ବଲାଙ୍ଗିର, (ଦେବାଶିଷ ମିଶ୍ର) : କରୋନା ଯୋଗୁଁ ବର୍ତ୍ତମାନ ସାରା କୋଶଳାଞ୍ଚଳରେ ଭୟଙ୍କର ପରିସ୍ଥିତି ରହିଛି । ସୁନ୍ଦରଗଡ ଓ କଳାହାଣ୍ଡିକୁ ଛାଡି ଦେଲେ ପ୍ରାୟ ସମସ୍ତ ସ୍ଥାନରେ ସ୍ଥିତି ସମାନ ରହିଛି । ଏହାକୁ ନେଇ ଆଜି କୋଶଲ ରାଜ୍ୟ ସମନ୍ୱୟ ସମିତି ଏକ ଖୋଲା ଚିଠି ମାଧ୍ୟମରେ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛି । ଏହି ଚିଠିରେ ବଲାଙ୍ଗିର ତଥା କୋଶଳାଞ୍ଚଳର ସ୍ୱାସ୍ଥ୍ୟସେବା ଗତ ସମସ୍ୟା ତଥା ଏହାର ପ୍ରତିକାର ବ୍ୟବସ୍ଥା ଉପରେ ସମିତି ନିଜର ମତବ୍ୟକ୍ତ କରିଛି । ଲିଖିତ ସମସ୍ୟା ଗୁଡିକର ତୁରନ୍ତ ନିରାକରଣ ପାଇଁ ଆବଶ୍ୟକ ସ୍ଥଳେ ମୁଖ୍ୟମନ୍ତ୍ରୀ ବ୍ୟକ୍ତିଗତ ଭାବେ ପଶ୍ଚିମ ଓଡିଶା ପରିଦର୍ଶନ କରିବା ପାଇଁ ଅନୁରୋଧ କରାଯାଇଛି । ଏହା ସହ ଏ ଅଂଚଳର ବିଭିନ୍ୟ ସମସ୍ୟା ଦୁର କରିବା ପାଇଁ ୧୩ ଗୋଟି ସ୍ୱତନ୍ତ୍ର ପ୍ରସ୍ତାବ ଦିଆଯାଇଛି ।
କୋଭିଡ-୧୯ ରେ ପଶ୍ଚିମାଞ୍ଚଳର ପ୍ରାୟ ସମସ୍ତ ଜିଲ୍ଲାର ଅବସ୍ଥା ସଙ୍ଗୀନ ରହିଛି । ପ୍ରତ୍ୟେକ ଜିଲ୍ଲାରେ କୋଭିଡ ମୁକାବିଲା ନେଇ ଆବଶ୍ୟକୀୟ ବ୍ୟବସ୍ଥା ଗ୍ରହଣ କରାଯାଉ । ପ୍ରତ୍ୟେକ ଜିଲ୍ଲାରେ ଘରକୁ ଘର କୋଭିଡ ପରୀକ୍ଷା କରାଯାଉ । ଏହା ସହ ପ୍ରତି ଜିଲ୍ଲାରେ ୱାର୍ଡ ବାରି କୋଭିଡ ସେନ୍ଟର୍ ଖୋଲାଯାଉ । କୋଭିଡ ଚିକିତ୍ସ ପାଇଁ ପ୍ରତି ଜିଲ୍ଲାରେ ଭିତ୍ତିଭୂମର ବିକାଶ କରାଯାଉ । ବଲାଙ୍ଗିର ସମେତ ଅନ୍ୟ ଜିଲ୍ଲାମାନଙ୍କରେ ଡେଲି ମାର୍କେଟମାନଙ୍କ ବିକେନ୍ଦ୍ରିତ କରାଯାଉ । ବ୍ୟାଙ୍କ, ବଡ ବଡ ଦୋକାନ ତଥା ଅନ୍ୟାନ୍ୟ ଜନ ବହୁଳ ଅଂଚଳରେ ସମାଜିକ ଦୂରତାକୁ କଡାକଡି ଭାବେ ପାଳନ କରାଯାଉ । କୋଭିଡ ସମୟରେ ସରକାରୀ ଡାକ୍ତରମାନଙ୍କ ପ୍ରାଇଭେଟ ପ୍ରାକ୍ଟିସ ଉପରେ ରୋକ ଲାଗାଯାଇ ରୋଗୀ ସେବା ଉପରେ ସଂପୁର୍ଣ୍ଣ ଗୁରୁତ୍ୱ ଦିଆଯାଉ । କୋଭିଡ ରୋଗୀଙ୍କ ପାଇଁ ସ୍ୱତନ୍ତ୍ର ଭ୍ରାମ୍ୟମାଣ ୟୁନିଟର ବ୍ୟବସ୍ଥା କରାଯାଉ । ପ୍ରତି ୱାର୍ଡ ନିତିଦିନ ବିଷୋଧୀକରଣ କରାଯାଉ । କୋଭିଡ ରୋଗୀଙ୍କୁ ଡାକ୍ତରଖାନାରେ ଉପଯୁକ୍ତ ଚିକିତ୍ସା ଯୋଗାଇ ଦେବା ସହ ସଙ୍ଗରୋଧରେ ଥିବା ରୋଗୀମାନଙ୍କ ସହିତ ଯୋଗାଯୋଗ ରକ୍ଷା କରାଯାଉ । ବଜାରରେ ଭିଡ ନିୟନ୍ତ୍ରଣ କରିବା ପାଇଁ ବଜାର ଖୋଲା ସମୟ ନିର୍ଦ୍ଦାରଣ କରାଯାଉ । ଭିଡ ନିୟନ୍ତ୍ରଣ କରିବା ଅଧିକ ସଂଖ୍ୟକ ପୋଲିସ ମୁତୟନ କରାଯାଉ ଏବଂ କରୋନା ଚିକିତ୍ସା ଓ ମୁକାବିଲା ବ୍ୟୟ ବରାଦ ସର୍ବସାଧାରଣ କରାଯାଉ, ଆଦି ୧୩ ଗୋଟି ପ୍ରସ୍ତାବ ରହିଛି ।
କରୋନା ମୁକାବିଲା ପାଇଁ ୧୩ ଗୋଟି ପ୍ରସ୍ତାବ ସହ କୋଶଲ ରାଜ୍ୟ ସମନ୍ୱୟ ସମିତିର ମୁଖ୍ୟମନ୍ତ୍ରୀଙ୍କୁ ଖୋଲା ଚିଠି
