ପ୍ରଥମ ବିମ୍‌ଷ୍ଟେକ୍ ଗୃହମନ୍ତ୍ରୀସ୍ତରୀୟ ବୈଠକ ଆୟୋଜନ ଭାରତ ପାଇଁ ଗୌରବର ବିଷୟ

ନୂଆଦିଲ୍ଲୀ : କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି କହିଛନ୍ତି ଯେ, ୧୩ ଅକ୍ଟୋବର ୨୦୨୬ରେ ନୂଆଦିଲ୍ଲୀଠାରେ ଆୟୋଜିତ ହେବାକୁ ଥିବା ପ୍ରଥମ ବିମ୍‌ଷ୍ଟେକ୍ ଗୃହମନ୍ତ୍ରୀସ୍ତରୀୟ ବୈଠକର ଆୟୋଜନ କରି ଭାରତ ଗର୍ବିତ।‘ଏକ୍ସ’ରେ ଏକ ପୋଷ୍ଟ ମାଧ୍ୟମରେ କେନ୍ଦ୍ର ଗୃହ ମନ୍ତ୍ରୀ ଶ୍ରୀ ଅମିତ ଶାହ କହିଛନ୍ତି, “୧୩ ଅକ୍ଟୋବର ୨୦୨୬ରେ ନୂଆଦିଲ୍ଲୀଠାରେ ପ୍ରଥମ ବିମ୍‌ଷ୍ଟେକ୍ ଗୃହମନ୍ତ୍ରୀସ୍ତରୀୟ ବୈଠକ ଆୟୋଜନ କରିବା ଭାରତ ପାଇଁ ଏକ ଗୌରବର ବିଷୟ। ମୁଁ ସମସ୍ତ ମାନ୍ୟବର ଗୃହମନ୍ତ୍ରୀ ଏବଂ ସଦସ୍ୟ ରାଷ୍ଟ୍ରଗୁଡ଼ିକର ପ୍ରତିନିଧିମଣ୍ଡଳୀକୁ ହାର୍ଦ୍ଦିକ ସ୍ୱାଗତ ଜଣାଉଛି। ଏହି ଐତିହାସିକ ବୈଠକ ଆତଙ୍କବାଦ, ସୀମାପାର ସଂଗଠିତ ଅପରାଧ, ନିଶାଦ୍ରବ୍ୟ କାରବାର, ଉଗ୍ରବାଦୀକରଣ, ମାନବ ଚାଲାଣ, ବେଆଇନ ଆର୍ଥିକ କାରବାର ଏବଂ ସାଇବର ବିପଦର ମୁକାବିଲା ପାଇଁ ଆମର ମିଳିତ ସଂକଳ୍ପକୁ ପ୍ରତିଫଳିତ କରେ। ଦୃଢ଼ ସମନ୍ୱୟ ମାଧ୍ୟମରେ ଏକ ଅଧିକ ସୁରକ୍ଷିତ, ସଶକ୍ତ ଓ ନିରାପଦ ବିମ୍‌ଷ୍ଟେକ୍ ଅଞ୍ଚଳ ଗଠନ ପାଇଁ ଆମେ ପ୍ରତିବଦ୍ଧ।”