ଜନ୍ମ ଏବଂ ମୃତ୍ୟୁ ପଞ୍ଜୀକରଣ ସମ୍ପର୍କିତ ସଂଶୋଧନ ବିଲ୍ ଲୋକସଭାରେ ଆଗତ

ନୂଆଦିଲ୍ଲୀ : ଜନ୍ମ ଏବଂ ମୃତ୍ୟୁ ପଞ୍ଜୀକରଣ ସମ୍ପର୍କିତ ଆଇନରେ ସଂଶୋଧନ ପାଇଁ ସରକାର ବୁଧବାର ଲୋକସଭାରେ ଏକ ବିଲ୍ ଆଗତ କରିଛନ୍ତି। ଗୃହ ରାଷ୍ଟ୍ରମନ୍ତ୍ରୀ ନିତ୍ୟାନନ୍ଦ ରାୟ ଗୃହରେ ବିରୋଧୀଙ୍କ ହଟ୍ଟଗୋଳ ମଧ୍ୟରେ ଜନ୍ମ ଏବଂ ମୃତ୍ୟୁ ପଞ୍ଜୀକରଣ (ସଂଶୋଧନ) ବିଲ୍, ୨୦୨୬ ଆଗତ କରିଥିଲେ। ପ୍ରଶ୍ନପତ୍ର ଲିକ୍ ବିରୋଧରେ ଆଗତ ସାର୍ବଜନୀନ ପରୀକ୍ଷା (ଅନ୍ୟାୟ ନିବାରଣ) ସଂଶୋଧନ ବିଲ୍, ୨୦୨୬ ଉପରେ ଆଲୋଚନା ସମୟରେ ବିରୋଧୀ ସଦସ୍ୟମାନେ ଗୃହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହଙ୍କ ଉପସ୍ଥିତି ଦାବି କରି ସ୍ଲୋଗାନ ଦେଇଥିଲେ।ସଂସଦୀୟ ପ୍ରକ୍ରିୟା ଅନୁଯାୟୀ, ଲୋକସଭା ବାଚସ୍ପତି ଓମ୍ ବିର୍ଲା ବିଲ୍ ଉପସ୍ଥାପନକୁ ବିରୋଧ କରିବା ପାଇଁ କିଛି ବିରୋଧୀ ସଦସ୍ୟଙ୍କ ନାମ ଡାକିଥିଲେ। ତେବେ କୌଣସି ବିରୋଧୀ ସଦସ୍ୟ ଉତ୍ତର ଦେଇ ନଥିଲେ ଏବଂ ନିତ୍ୟାନନ୍ଦ ରାୟ ତା’ପରେ ବିଲ୍ ଉପସ୍ଥାପନ କରିଥିଲେ। କେନ୍ଦ୍ର କ୍ୟାବିନେଟ୍ ଜୁଲାଇ ୨୦ ତାରିଖରେ ବିଲ୍କୁ ଅନୁମୋଦନ କରିଥିଲେ।ଏହି ବିଲ୍ ଜନ୍ମ ଏବଂ ମୃତ୍ୟୁ ପଞ୍ଜିକରଣ ଆଇନ,୧୯୬୯ (୨୦୨୩ରେ ସଂଶୋଧିତ)ର ଧାରା ୧୩(୩)କୁ ସଂଶୋଧନ କରି ବିଳମ୍ବ ପଞ୍ଜିକରଣ ପାଇଁ ବ୍ୟବସ୍ଥାକୁ ଆହୁରି କଠୋର କରିବାକୁ ଲକ୍ଷ୍ୟ ରଖାଯାଇଛି।