ଜାହାଜ ବୁଡ଼ି ୨ ଫିଲିପାଇନ୍ସଙ୍କ ମୃତ

ଚୀନ: ଦକ୍ଷିଣ ଚୀନ ସାଗରରେ ଏକ ମାଲବାହୀ ଜାହାଜ ବୁଡ଼ିଯିବାରୁ ଅତି କମରେ ଦୁଇ ଜଣଙ୍କର ମୃତ୍ୟୁ ହୋଇଛି। ଆହୁରି ଅନେକ ନିଖୋଜ ଅଛନ୍ତି ଏବଂ ଖୋଜାଖୋଜି ଜାରି ରହିଛି। ସୂଚନା ଅନୁଯାୟୀ, ଏମ/ଭି ଡେଭନ୍ ବେ ଜାହାଜଟି ଫିଲିପାଇନ୍ସରୁ ଚୀନର ଗ୍ୱାଙ୍ଗଡୋଙ୍ଗ ପ୍ରଦେଶକୁ ଲୁହାପଥର ବୋଝେଇ କରି ଯାଉଥିଲା। ଏଥିରେ ମୋଟ ୨୧ ଜଣ ଫିଲିପାଇନ୍ସ କ୍ରୁ ସଦସ୍ୟ ଥିଲେ। ଏହି ଦୁର୍ଘଟଣା ସ୍କାରବୋରୋ ଶୋଲ୍‌ର ଉତ୍ତର-ପଶ୍ଚିମରେ ପ୍ରାୟ ୧୦୦ କିଲୋମିଟର ଘଟିଛି। ଗୁରୁବାର ରାତିରେ ଜାହାଜ ସହିତ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା। ପିପୁଲ୍ସ ଲିବରେସନ ଆର୍ମି (ପିଏଲଏ)ର ଦକ୍ଷିଣ ଥିଏଟର କମାଣ୍ଡ ଅଧୀନରେ ଚୀନ୍ ତଟରକ୍ଷୀ ବାହିନୀ ଏବଂ ନୌସେନା ଏକ ମିଳିତ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଫିଲିପାଇନ୍ସ ତଟରକ୍ଷୀ ବାହିନୀ ମଧ୍ୟ ସହାୟତା ପାଇଁ ଦୁଇଟି ଜାହାଜ ଏବଂ ଏକ ବିମାନ ପଠାଇଥିଲା। ଉଭୟ ଦେଶ ପୃଥକ ଭାବରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ, କିନ୍ତୁ ଚୀନ୍ ସେନା ଅଧିକାଂଶ ଉଦ୍ଧାର କାର୍ଯ୍ୟ କରିଥିଲେ। ଶୁକ୍ରବାର ସୁଦ୍ଧା, ୧୭ ଜଣଙ୍କୁ ଉଦ୍ଧାର କରାଯାଇଛି। ସେମାନଙ୍କ ମଧ୍ୟରୁ ୧୪ ଜଣଙ୍କ ଅବସ୍ଥା ସ୍ଥିର ଅଛି। ୨ ଜଣଙ୍କର ମୃତ୍ୟୁ ହୋଇଛି। ଜଣେ ଗୁରୁତର ଆହତ ହୋଇ ଚିକିତ୍ସାଧୀନ ଅଛନ୍ତି। ବାକି ଚାରି ଜଣ ଏବେ ବି ନିଖୋଜ ଅଛନ୍ତି ଏବଂ ସନ୍ଧାନ ଅଭିଯାନ ଜାରି ରହିଛି।