ଭାରସାମ୍ୟ ହରାଇ ଘରେ ପଶିଲା କାର୍‌: ୨ ମୃତ

ଉତ୍ତରପ୍ରଦେଶ: ଉତ୍ତରପ୍ରଦେଶରେ ଭୟଙ୍କର ସଡକ ଦୁର୍ଘଟଣା। ଭାରସାମ୍ୟ ହରାଇ ଘରେ ପଶିଲା କାର୍। ଏହି ଦୁର୍ଘଟଣାରେ ଦୁଇ ଯୁବକ ମୃତ୍ୟୁବରଣ କରିଥିବା ବେଳେ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି। ସୂଚନା ଅନୁଯୟୀ, ଡିସେମ୍ବର ୧୬ ତାରିଖ ରାତି ପ୍ରାୟ ସାଢ଼େ ୧୧ଟା ସମୟରେ ସୁଖପୁରା ଥାନା ଅଞ୍ଚଳ ଅନ୍ତର୍ଗତ ଧାରହରା ଗାଁରେ ଏକ କାର ନିୟନ୍ତ୍ରଣ ହରାଇ ଏକ ଘର ଭିତରକୁ ପଶିଯାଇଥିଲା। ଏହି ଦୁର୍ଘଟଣାରେ ଅଭିଷେକ ସିଂହ (୨୪) ଏବଂ ରୋହିତ ସିଂହ ପରିହାର (୨୫)ଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା ​​ବେଳେ ସୁଜିତ ତୁର୍ହା (୨୧) ଏବଂ ଆଦିତ୍ୟ ବର୍ମା (୨୨) ଗୁରୁତର ଆହତ ହୋଇଥିଲେ। ସମସ୍ତ ଯୁବକ ସୁଖପୁରା ଥାନା ଅଞ୍ଚଳର ଆପାୟଲ ଗାଁର ବାସିନ୍ଦା। ଗୁରୁତର ଆହତ ଉଭୟଙ୍କୁ ବାଲିଆର ଜିଲ୍ଲା ହସ୍ପିଟାଲର ଟ୍ରମା ସେଣ୍ଟରରେ ଚିକିତ୍ସା କରାଯାଉଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ମୃତଦେହକୁ ନିଜ ହେପାଜତକୁ ନେଇ ପୋଷ୍ଟମର୍ଟମ ପାଇଁ ପଠାଇଛି। ଅଧିକ ତଥ୍ୟ ପାଇଁ ପୋଲିସର ତଦନ୍ତ ଜାରି ରହିଛି।