ରାଜ୍ୟରେ ହାଡଭଙ୍ଗା ଶୀତ ଅନୁଭୂତ

ଭୁବନେଶ୍ୱର:  ଶୀତ ଲହରୀ ରେ ଥରୁଛି ଓଡିଶା ।  ଗତ ୨୪ ଘଣ୍ଟାରେ ର‌୍ୟାର ସର୍ବନିମ୍ନ  ତାପମାତ୍ରା ୪.୮ ଡିଗ୍ରୀ ସେଲସିୟସ ରେକର୍ଡ କରାଯାଇଛି ।  ଓଡିଶାର ୧୧ଟି  ସହରରେ ତାପମାତ୍ରା ୧୦ ଡିଗ୍ରୀ ସେଲସିୟସ ତଳେ ରେକର୍ଡ କରାଯାଇଛି ।  ପୂର୍ବରୁ  ପଶ୍ଚିମ ଏବଂ ଉତ୍ତରରୁ  ଦକ୍ଷିଣ ପର୍ଯ୍ୟନ୍ତ ସମଗ୍ର ରାଜ୍ୟରେ  ଶୀତ ଲହରୀ  ଜାରି ହୋଇଛି ।  ପାଣିପାଗ ପୂର୍ବାନୁମାନ ଅନୁଯାୟୀ, ଡିସେମ୍ବର ୧୨ ତାରିଖ ପର୍ଯ୍ୟନ୍ତ  ରାଜ୍ୟରେ ଶୀତ  ଲହରୀ ଲାଗି ରହିବ । ଏନେଇ ଭୁବନେଶ୍ୱର ପାଣିପାଗ କେନ୍ଦ୍ର ପୂର୍ବାନୁମାନ କରିଛି । ଉତ୍ତର- ପଶ୍ଚିମ ଦିଗରୁ ଥଣ୍ଡା, ଶୁଷ୍କ ପବନ ବହିବା ଯୋଗୁଁ ଶୀତ ଲହରୀ ଜାରି ରହିଛି ।  ଉତ୍ତର- ଆଭ୍ୟନ୍ତରୀଣ ଓଡିଶାରେ  ତାପମାତ୍ରା  ସ୍ୱାଭାବିକଠାରୁ  ୫ରୁ ୬ ଡିଗ୍ରୀ ସେଲସିୟସ କମ ଥିବା ବେଳେ  ଦକ୍ଷିଣ ଓଡିଶାରେ ତାପମାତ୍ରା ସ୍ୱାଭବିକଠାରୁ ୨ରୁ ୩ ଡିଗ୍ରୀ  ସେଲସିୟସ କମ ରହିଛି । ଭୁବନେଶ୍ୱର ପାଣିପାଗ କେନ୍ଦ୍ର ପୂର୍ବାନୁମାନ କରିଛି ଯେ, ଡିସେମ୍ବର ୧୩ ପରେ ଶୀତ ଲହରୀ କମିବ ।