ବକ୍ସିଂରେ ଭାରତକୁ ସ୍ୱର୍ଣ୍ଣ ପଦକ

ନୂଆଦିଲ୍ଲୀ : ବିଶ୍ୱ ବକ୍ସିଂ କପ୍ ଫାଇନାଲରେ ମୀନାକ୍ଷୀ ହୁଡା 48 କିଲୋଗ୍ରାମ ବର୍ଗରେ ସ୍ୱର୍ଣ୍ଣ ପଦକ ଜିତିଛନ୍ତି  । ସେ ଏକ ଉଲ୍ଲେଖନୀୟ ପ୍ରଦର୍ଶନ କରିଥିଲେ, ଏବଂ ଉଜବେକିସ୍ତାନର ଫୋଜିଲୋଭା ଫରଜୋନା ନିଜ ପ୍ରତିଦ୍ୱନ୍ଦ୍ୱିତାକୁ ବଜାୟ ରଖିପାରିଲେ ନାହିଁ । ମୀନାକ୍ଷୀ ପ୍ରଥମ ପର୍ଯ୍ୟାୟରୁ ନେତୃତ୍ୱ ନେଇଥିଲେ, ଯାହାକୁ ସେ ଶେଷ ପର୍ଯ୍ୟନ୍ତ ବଜାୟ ରଖିଥିଲେ। ତାଙ୍କର ଦୃଢ଼ ପ୍ରଦର୍ଶନ ଯୋଗୁଁ ସର୍ବସମ୍ମତିକ୍ରମେ 5-0 ନିଷ୍ପତ୍ତି ନିଆଯାଇଥିଲା। ଏହି ପରିପ୍ରେକ୍ଷୀରେ ମୀନାକ୍ଷୀ ହୁଡା କହିଛନ୍ତି, “ଏହି ପ୍ରତିଯୋଗିତା ପାଇଁ ମୁଁ ବହୁତ ଉତ୍ସାହିତ ଥିଲି କାରଣ ଏହା ଭାରତରେ ଆୟୋଜିତ ହେଉଥିଲା। ଆମେ ଆମର ସର୍ବୋତ୍ତମ ଦେବା ଏବଂ ଆମ ଦେଶକୁ ଗୌରବ ଆଣିବାର ଏକମାତ୍ର ଉଦ୍ଦେଶ୍ୟ ନେଇ ଏଠାକୁ ଆସିଥିଲୁ। ମୁଁ ଭଲ ଲଢ଼ିଥିଲି, ପ୍ରତ୍ୟେକ ମୁକାବିଲା 5-0 ରେ ଜିତିଥିଲି। ଆପଣଙ୍କ ସମସ୍ତ ସମର୍ଥନ ପାଇଁ ଧନ୍ୟବାଦ। ବିଶ୍ୱ ଚାମ୍ପିଅନ ହେବା ସହଜ, କିନ୍ତୁ ଏହାକୁ ବଜାୟ ରଖିବା ବହୁତ କଷ୍ଟକର। ସମସ୍ତଙ୍କ ଧ୍ୟାନ ମୋ ଉପରେ ଥିଲା। ମୁଁ ଖୁସି ଯେ ମୁଁ ମୋ ଦେଶ ପାଇଁ ଆଉ ଏକ ସ୍ୱର୍ଣ୍ଣ ପଦକ ଜିତିପାରିଲି।”