ଭୁବନେଶ୍ୱର: ଆଜିକାଲି ଲୋକଙ୍କ ଓଜନ ହ୍ରାସ କରିବା ଏକ ବଡ ଚ୍ୟାଲେଞ୍ଜ ପାଲଟିଛି । ଓଜନ ହ୍ରାସ କରିବା ପାଇଁ ଅନେକ ଉପାୟ କରିଥାନ୍ତି । ଲୋକମାନେ ଓଜନ ହ୍ରାସ ପାଇଁ ଅନେକ ଚେଷ୍ଟା କରୁଛନ୍ତି । କିଛି ଲୋକଙ୍କ ହାତ ଏବଂ ଗେଡରେ ଚର୍ୱି ଜମା ହୋଇଥିବା ବେଳେ ପେଟରେ ମଧ୍ୟ ଚର୍ୱି ଜମା ହୋଇରହିଥାଏ । ପେଟର ଚର୍ୱି କମାଇବା ବହୁତ କଷ୍ଟ ହୋଇଥାଏ । ଲେମ୍ବୁ ପାଣି ସହିତ ହଳଦୀ ମିଶାଇ ପିଇଲେ ଏହା ସ୍ୱାସ୍ଥ୍ୟ ପାଇଁ ଲାଭ ହୋଇଥାଏ । ଯଦି ଆପଣ ଏହି ପାଣି ପିଅନ୍ତି ତେବେ ପେଟର ଚର୍ୱି କମିବାକୁ ଲାଗିବ ।
ହଳଦୀ ସହିତ ଲେମ୍ବୁ ପାଣି ମିଶାଇ ପିଇବା ଦ୍ବାରା ମେଟାବୋଲିଜିମ୍ ବୃଦ୍ଧି ପାଏ। ଲେମ୍ବୁରେ ଥିବା ଭିଟାମିନ୍ ସି ମେଟାବୋଲିକ୍ ହାରକୁ ବୃଦ୍ଧି କରେ ଏବଂ ହଳଦୀର ଥର୍ମୋଜେନିକ୍ ଗୁଣ କ୍ୟାଲୋରି ହ୍ରାସ କରିବାରେ ସାହାଯ୍ୟ କରେ।ଲେମ୍ବୁ ଶରୀରରେ ପିତ୍ତ ଉତ୍ପାଦନ ବୃଦ୍ଧି କରେ, ଯାହା ଚର୍ବି ହ୍ରାସ କରିବାରେ ସାହାଯ୍ୟ କରେ। ଲେମ୍ବୁ ପାଣି ଏକ ପ୍ରାକୃତିକ ମୂତ୍ରବଦ୍ଧକ ଭାବରେ କାର୍ଯ୍ୟ କରେ, ଯାହା ଆପଣଙ୍କ ଶରୀରରୁ ସମସ୍ତ ବିଷାକ୍ତ ପଦାର୍ଥକୁ ବାହାର କରିଦିଏ। ହଳଦୀ ଯକୃତକୁ ଉନ୍ନତ କରେ, ଯାହା ବିଷମୁକ୍ତିକୁ ବୃଦ୍ଧି କରେ।ହଳଦୀ ସହିତ ଲେମ୍ବୁ ପାଣି ମିଶାଇ ପିଇବା ଦ୍ବାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଏ। ହଳଦୀ ଥିବାରୁ ଏହା ପ୍ରଦାହ ମଧ୍ଯ କମ କରେ, ଯାହା ଓଜନ ବୃଦ୍ଧି ଏବଂ ଅନ୍ୟାନ୍ୟ ସ୍ବାସ୍ଥ୍ୟ ସମସ୍ୟାକୁ କମ କରିବାରେ ସାହାଯ୍ୟ କରେ।ଯଦି ଆପଣ ହଳଦୀ ଏବଂ ଲେମ୍ବୁ ପାଣିର ଏହି ପାନୀୟ ସହିତ ଆପଣଙ୍କ ଦିନ ଆରମ୍ଭ କରନ୍ତି, ତେବେ ଏହା ଆପଣଙ୍କ ଶରୀରକୁ ଦିନସାରା ହାଇଡ୍ରେଟ୍ ରଖିଥାଏ। ଲେମ୍ବୁ ଏବଂ ହଳଦୀରେ ଥିବା ଆଣ୍ଟିଅକ୍ସିଡାଣ୍ଟ ଆପଣଙ୍କ ତ୍ବଚା ସ୍ବାସ୍ଥ୍ୟକୁ ମଧ୍ଯ ଉନ୍ନତ କରିଥାଏ। ଏହାକୁ ପିଇବା ଦ୍ବାରା ଚର୍ମ ସଫା ଏବଂ ସୁସ୍ଥ ହୋଇଥାଏ। ଏହି ପାନୀୟ ଚିନି (ଡାଇବେଟିସ୍) ରୋଗୀଙ୍କ ପାଇଁ ମଧ୍ଯ ଲାଭଦାୟକ ପ୍ରମାଣିତ ହୁଏ। ଏହା ଶର୍କରା ସ୍ତରକୁ ସ୍ଥିର କରିଥାଏ, ଯାହା ଫଳରେ ଶରୀରରେ ଶକ୍ତିର ଅଭାବ ହୁଏ ନାହିଁ।
