ନୂଆଦିଲ୍ଲୀ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଲାଗୁ ହୋଇଥିବା ଶୁଳ୍କ ଯୋଗୁଁ ବିଶ୍ୱ ଅର୍ଥନୀତିରେ ଆରମ୍ଭ ହୋଇଥିବା ଯୁଦ୍ଧ ଏବେ ଆହୁରି ତୀବ୍ର ହେବାରେ ଲାଗିଛି । ଶୁଳ୍କକୁ ନେଇ ଆମେରିକା ଏବଂ ଚୀନ୍ ମଧ୍ୟରେ ଏକ ପ୍ରକାର ବିଶ୍ୱଯୁଦ୍ଧ ଆରମ୍ଭ ହୋଇଯାଇଛି। ଡୋନାଲ୍ଡ ଟ୍ରମ୍ପଙ୍କ 104 ପ୍ରତିଶତ ଶୁଳ୍କ ଲାଗୁର ଜବାବରେ ଚୀନ୍ ମଧ୍ୟ ଉପଯୁକ୍ତ ଜବାବ ଦେଇଛି । ଚୀନ୍ ଏବେ ଆମେରିକୀୟ ସାମଗ୍ରୀ ଉପରେ 84 ପ୍ରତିଶତ ଅତିରିକ୍ତ ଶୁଳ୍କ ଲାଗୁ କରିଛି । ଏହା ଚୀନର ବାଣିଜ୍ୟ ମନ୍ତ୍ରଣାଳୟ ଦ୍ୱାରା ଘୋଷଣା କରାଯାଇଛି। ଚୀନ୍ ମନ୍ତ୍ରୀଙ୍କ ଅନୁଯାୟୀ, ଏହି ଶୁଳ୍କ ମେ 10 ଅର୍ଥାତ ଆସନ୍ତାକାଲିଠାରୁ କାର୍ଯ୍ୟକାରୀ ହେବ ।
ଏହା ଜଣାଶୁଣା ଯେ ନିକଟରେ ଆମେରିକା ଚୀନ୍ ଉପରେ ୧୦୪ ପ୍ରତିଶତ ଶୁଳ୍କ ଲଗାଇବାକୁ ଘୋଷଣା କରିଥିଲା। ଏହାର ଜବାବରେ, ଚୀନ୍ ଆଜି ଘୋଷଣା କରିଛି ଯେ ସେ ଗୁରୁବାରଠାରୁ ଆମେରିକୀୟ ସାମଗ୍ରୀ ଉପରେ 84 ପ୍ରତିଶତ ପର୍ଯ୍ୟନ୍ତ ଶୁଳ୍କ ଲଗାଇବ, ଯାହା ପୂର୍ବରୁ ଘୋଷିତ 34 ପ୍ରତିଶତ ଅପେକ୍ଷା ବହୁତ ଅଧିକ। ଏହା ଉଲ୍ଲେଖନୀୟ ଯେ ଆମେରିକା ଦ୍ୱାରା ଚୀନ୍ ଉପରେ ଲାଗୁ କରାଯାଇଥିବା 104% ଶୁଳ୍କ ଆଜିଠାରୁ କାର୍ଯ୍ୟକାରୀ ହୋଇଛି। ଏହି କାରଣରୁ, ଆମେରିକାରେ ପହଞ୍ଚୁଥିବା ଚୀନ୍ ସାମଗ୍ରୀ ଏବେ ଦୁଇଗୁଣରୁ ଅଧିକ ମୂଲ୍ୟରେ ବିକ୍ରି ହେବ। ଏହାର ଜବାବରେ, ଏବେ ଚୀନ୍ ସରକାର ମଧ୍ୟ 84 ପ୍ରତିଶତ ଅତିରିକ୍ତ ଶୁଳ୍କ ଲାଗୁ କରିବାକୁ ଘୋଷଣା କରିଛନ୍ତି।
