ନୂଆଦିଲ୍ଲୀ: ଆମେରିକାରେ ବାର୍ଡ ଫ୍ଲୁ ଆତଙ୍କ। ନ୍ୟୁୟର୍କ ସହରର ଦୁଇଟି ପ୍ରାଣୀ ଉଦ୍ୟାନରେ ଏପର୍ଯ୍ୟନ୍ତ ବାର୍ଡ ଫ୍ଲୁରେ ଅତି କମରେ ୧୫ ପକ୍ଷୀଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଉଛି। ଏହା ପ୍ରାଣୀ ଉଦ୍ୟାନର କର୍ମଚାରୀଙ୍କ ମଧ୍ୟରେ ଆତଙ୍କ ସୃଷ୍ଟି କରିଛି। ପ୍ରାଣୀ ଉଦ୍ୟାନ ଚଳାଉଥିବା ଏକ ସଂସ୍ଥା ଏହି ସୂଚନା ଦେଇଛନ୍ତି। ୱାଇଲ୍ଡ ଲାଇଫ୍ କନ୍ସର୍ଭେସନ୍ ସୋସାଇଟି ଅନୁଯାୟୀ କୁଇନ୍ସ ପ୍ରାଣୀ ଉଦ୍ୟାନରେ ତିନୋଟି ବାର୍ଡ ଫ୍ଲୁରେ ମୃତ୍ୟୁ ହୋଇଛି। ମୃତ ପକ୍ଷୀମାନଙ୍କର ନମୁନାଗୁଡିକର ପରୀକ୍ଷା ରିପୋର୍ଟ ନୀରିକ୍ଷଣରେ ରହିଛି ।
ବ୍ରୋନକ୍ସ ପ୍ରାଣୀ ଉଦ୍ୟାନରେ ନଅ ବନ୍ୟ ପକ୍ଷୀଙ୍କ ମୃତ୍ୟୁ ହୋଇଥିଲା। ଅଧିକାରୀମାନେ କହିଛନ୍ତି ଯେ ଗତ ଦୁଇ ସପ୍ତାହ ମଧ୍ୟରେ ଆମେ ସତର୍କତାମୂଳକ ପଦକ୍ଷେପ ଭାବରେ ବିପଦପୂର୍ଣ୍ଣ ପକ୍ଷୀ ପ୍ରଜାତିଗୁଡିକୁ ପାର୍କର ସଂରକ୍ଷିତ ଅଞ୍ଚଳକୁ ସ୍ଥାନାନ୍ତର କରିଛୁ। ବ୍ରୋନକ୍ସ, ବ୍ରୁକଲିନ୍ ଏବଂ କୁଇନ୍ସରେ ନିୟମିତ ନୀରିକ୍ଷଣ ସମୟରେ ଏଭିଆନ୍ ଫ୍ଲୁର ସାତୋଟି ମାମଲା ମିଳିବା ପରେ ଏହି ନିଷ୍ପତ୍ତି ନିଆଯାଇଛି। ନ୍ୟୁୟର୍କ ରାଜ୍ୟପାଳ କ୍ୟାଥି ହୋଚୁଲ କହିଛନ୍ତି ଯେ ବର୍ତ୍ତମାନ ଏହି ଜୀବାଣୁ ଜନସ୍ୱାସ୍ଥ୍ୟ ପ୍ରତି କୌଣସି ବିପଦ ନାହିଁ, କିନ୍ତୁ ସତର୍କତା ଦୃଷ୍ଟିରୁ ପକ୍ଷୀ ବଜାର ବନ୍ଦ କରିବାକୁ ନିଷ୍ପତ୍ତି ନିଆଯାଇଛି। ପକ୍ଷୀ ଫ୍ଲୁ ସମଗ୍ର ଯୁକ୍ତରାଷ୍ଟ୍ରରେ କୁକୁଡ଼ା କ୍ଷେତ୍ରକୁ ପ୍ରଭାବିତ କରିଛି। ସ୍ୱାଇନ୍ ଫ୍ଲୁରେ ଲକ୍ଷ ଲକ୍ଷ ପକ୍ଷୀଙ୍କର ମୃତ୍ୟୁ ଘଟିଥିଲା ଏବଂ ଅଣ୍ଡାର ମୂଲ୍ୟ ବୃଦ୍ଧି ପାଇଥଲା। ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର ଅନୁଯାୟୀ ଏହି ଜୀବାଣୁ ସାଧାରଣ ଲୋକଙ୍କ ପାଇଁ କମ୍ ବିପଦ ସୃଷ୍ଟି କରିଥାଏ। ବର୍ତ୍ତମାନ ପର୍ଯ୍ୟନ୍ତ ଆମେରିକାରେ ୬୭ ଟି ବାର୍ଡ ଫ୍ଲୁ ରୋଗ ନିଶ୍ଚିତ ହୋଇଛି, କିନ୍ତୁ ନ୍ୟୁୟର୍କରେ କୌଣସି ମାମଲା ନାହିଁ।
