ସିକ୍ୟୁରିଟି ଗାର୍ଡ ଉପରେ ଚଢିଗଲା ଟ୍ରକ

ବଲାଙ୍ଗିର: ଅଳଙ୍କାର ଦୋକାନ ଉପରେ ମାଡିଗଲା ଟ୍ରକ । ଫଳରେ ସିକ୍ୟୁରିଟି ଗାର୍ଡଙ୍କ ମୃତ୍ୟୁ ଘଟିଛି ।  ଗତକାଲି ବିଳମ୍ବିତ ରାତିରେ   ବଲାଙ୍ଗିର ଟାଉନଥାନା ପାଟଣା ଛକ ନିକଟରେ  ଏଭଳି ଦୁର୍ଘଟଣା ଘଟିଛି ।  ମୃତକ ଜଣଙ୍କ ହେଲେ  ସିଦ୍ଧାର୍ଥ ପ୍ରଧାନ । ଗତକାଲି ବିଳମ୍ବିତ ରାତିରେ  ଅଳଙ୍କାର ଦୋକାନ ସମ୍ମୁଖରେ ଡ୍ୟୁଟି କରୁଥିଲେ ସିଦ୍ଧାର୍ଥ ପ୍ରଧାନ ।  ଏହି ସମୟରେ ଟ୍ରକଟି ଆସି ସିଦ୍ଧାର୍ଥଙ୍କ ଉପରେ ଚଢିଯାଇଥିଲା ।  ସେଠାରେ ସ୍ଥାନୀୟ ଲୋକେ  ସିଦ୍ଧାର୍ଥଙକ୍‌ୁ ଗୁରୁତର ଅବସ୍ଥାରେ  ଡାକ୍ତରଖାନାରେ ଆଣି ଭର୍ତ୍ତି କରିଥିଲେ ।  ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୁଲିସ ଟ୍ରକକୁ ଜବତ କରି  ଡ୍ରାଇଭରକୁ ଅଟକ ରଖି ପଚରା ଉଚରା କରୁଛି । ଘଟଣାର ତଦନ୍ତ କରୁଛି ।  ଟ୍ରକ ଡ୍ରାଇଭର ଜଣଙ୍କ ନିଶାଶକ୍ତ ଅବସ୍ଥାରେ ଏଭଳି ଘଟଣା  ଘଟାଇଥିବା କୁହାଯାଉଛି ।