ତଳକୁ ଖସିପଡିଲା କାର: ୨ ମୃତ

ନୟାଗଡ଼: ଖଣ୍ଡପଡା ବ୍ଲକ ସ୍ଥିତ ଖଳିସାହି -କୋଷ୍କା ରାସ୍ତାର ପଞ୍ଚବଟି ଗୋଶାଳା ନିକଟରେ କାର ଦୁର୍ଘଟଣା । ଭାରସାମ୍ୟ ହରାଇ କଲଭଟ ତଳକୁ ଖସିପଡିଲା କାର । ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇ ଖଣ୍ଡପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ୨ ମୃତକ ହେଲେ ବୋଲଗଡ଼ ଥାନା ଅଧୀନ ଘୋରାଡ଼ିଆ ଗାଁର ଅବସରପ୍ରାପ୍ତ ସିଆରପିଏଫ ଯବାନ ପଦ୍ମଚରଣ ବେହେରା ଏବଂ ତାଙ୍କ ସମ୍ପର୍କୀୟ ମଞ୍ଜୁଲତା ମହାରଣା । ଗୁରୁତର ମିଲିନା ମହାରଣାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ଵୁଲାନ୍ସ ଯୋଗେ ଖଣ୍ଡାପଡା ଗୋଷ୍ଠୀ ସ୍ଵାସ୍ଥ୍ୟରେ ଭର୍ତ୍ତି କରିଛନ୍ତି । ଘଟଣାରେ ଖଣ୍ଡପଡା ପୋଲିସର ତଦନ୍ତ ଜାରି ରହିଛି ।