ଭୁବନେଶ୍ୱର: ବଜାରରେ ତାଜା ଫୁଲକୋବି ପହଞ୍ଚିଲାଣି । ଫୁଲକୋବିରେ ଅନେକ ଭିଟାମିନ୍ ଭରପୂର ଥାଏ ଏବଂ ଏହା ସ୍ୱାସ୍ଥ୍ୟ ପାଇଁ ବହୁତ ଲାଭଦାୟକ । ଫୁଲକୋବିରେ ପୋଷକ ତତ୍ତ୍ୱ ରହିଥାଏ ଯାହା ଶରୀରକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଫୁଲକୋବିରେ ଭିଟାମିନ୍ ସି, ଭିଟାମିନ୍ ଏ ଏବଂ ଭିଟାମିନ୍ ବି ପରି ପୁଷ୍ଟିକର ଭିଟାମିନ୍ ମିଳିଥାଏ । କିନ୍ତୁ ପ୍ରତିଦିନ ଫୁଲକୋବି ଖାଇବା ଦ୍ୱାରା କିଛି ଲୋକଙ୍କର ସ୍ୱାସ୍ଥ୍ୟ ସମସ୍ୟା ସୃଷ୍ଟି ହୋଇପାରେ । ସେଥିପାଇଁ କିଛି ଲୋକଙ୍କୁ ଫୁଲକୋବି ଖାଇବାକୁ ବାରଣ କରାଯାଇଛି । ଫୁଲକୋବି ଖାଇବା ଦ୍ୱାରା ପେଟ ଫୁଲିବା , ଗ୍ୟାସ୍ ଏବଂ ଏସିଡିଟି ଭଳି ସମସ୍ୟା ସୃଷ୍ଟି ହୋଇପାରେ । କେଉଁ ଲୋକମାନେ ଫୁଲକୋବି ଖାଇବା ଉଚିତ୍ ନୁହେଁ ଆସନ୍ତୁ ଜାଣିବା ।
ଗ୍ୟାସ୍ ସମସ୍ୟା- ଯେଉଁମାନଙ୍କର ପ୍ରାୟତଃ ଗ୍ୟାସ୍ ସମସ୍ୟା ଥାଏ, ସେମାନେ ଫୁଲକୋବି ଖାଇବାକୁ କମ୍ କରିବା ଉଚିତ୍ । ଫୁଲକୋବିରେ କାର୍ବୋହାଇଡ୍ରେଟ୍ ଥାଏ, ଯାହା ହଜମ ପ୍ରକ୍ରିୟାରେ ସମସ୍ୟା ବଢ଼ାଇପାରେ । ଫୁଲକୋବି ପରଟା ଖାଇବା ପରେ ଆପଣ ଗ୍ୟାସ୍ ସମସ୍ୟାର ସମ୍ମୁଖୀନ ହୋଇପାରନ୍ତି । ତେଣୁ ଫୁଲକୋବି ଖାଆନ୍ତୁ ନାହିଁ ।
ଯଦି ଆପଣଙ୍କର ଥାଇରଏଡ୍ ସମସ୍ୟା ଅଛି ତେବେ ଫୁଲକୋବି ଖାଆନ୍ତୁ ନାହିଁ । ଏହା ଆପଣଙ୍କ ସ୍ୱାସ୍ଥ୍ୟ ସମସ୍ୟା ବଢ଼ାଇପାରେ । ଫୁଲକୋବି ଖାଇବା ଦ୍ୱାରା ଥାଇରଏଡ୍ ଗ୍ରନ୍ଥିର ଆୟୋଡିନ୍ ବ୍ୟବହାର କରିବାର କ୍ଷମତା କମିଯାଏ । ଏହା ଆପଣଙ୍କ ସ୍ୱାସ୍ଥ୍ୟରେ ଅସୁବିଧା ଆଣିପାରେ । ଫୁଲକୋବି ବିଶେଷତ ଟି୩ ଏବଂ ଟି୪ ହରମୋନ ସ୍ତରକୁ ପ୍ରଭାବିତ କରିଥାଏ । ତେଣୁ ଥାଇରଏଡ୍ ରୋଗୀମାନେ ଫୁଲକୋବି ବ୍ୟବହାରକୁ କମ୍ କରିବା ଉଚିତ୍ । ଯଦି ଆପଣଙ୍କର ବ୍ଲଡ୍ କ୍ଲଟିଂ ସମସ୍ୟା ଅଛି ତେବେ ଫୁଲକୋବି ଆଦୌ ଖାଆନ୍ତୁ ନାହିଁ । ଫୁଲକୋବିରେ ବହୁତ ପରିମାଣର ପୋଟାସିୟମ୍ ଥାଏ ଯାହା ଶରୀରରେ ରକ୍ତକୁ ମୋଟା କରିପାରେ । ତେଣୁ ଫୁଲକୋବି ଖାଇବାକୁ ସୀମିତ କରନ୍ତୁ କିମ୍ବା ଏହାକୁ ଆଦୌ ଖାଆନ୍ତୁ ନାହିଁ । ଗର୍ଭାବସ୍ଥାରେ ମଧ୍ୟ ଆପଣ ଫୁଲକୋବି ଖାଇବା ଠାରୁ ଦୂରେଇ ରହିବା ଉଚିତ୍ । ଏହା ଅନେକ ପ୍ରକାରର ସମସ୍ୟା ସୃଷ୍ଟି କରିପାରେ । ବିଶେଷକରି ଗର୍ଭାବସ୍ଥାରେ ଏହା ଗ୍ୟାସ୍, ଏସିଡିଟି ଏବଂ ଖାଦ୍ୟ ହଜମରେ ସମସ୍ୟା ସୃଷ୍ଟି କରିପାରେ । ତେଣୁ ଫୁଲକୋବି ଖାଇବା ଠାରୁ ଦୂରେଇ ରୁହନ୍ତୁ ।
