ନୂଆଦିଲ୍ଲୀ : ହମାସ୍ ମୁଖ୍ୟ ୟାହିୟା ସିନୱାରଙ୍କ ମୃତ୍ୟୁ ପରେ ଏବେ ପ୍ରଶ୍ନ ଉଠୁଛି ଯେ, ବାପା ଛେଉଣ୍ଡ ହୋଇପଡିଥିବା ସଂଗଠନ ହମାସ୍ର ନୂଆ ମଙ୍ଗଧାରକ କିଏ ହେବ? ଏମିତି ଏକ ପ୍ରଶ୍ନ ମଧ୍ୟରେ ହମାସର ୨ଜଣ ଅଗ୍ରଣୀ ନେତୃତ୍ୱଙ୍କ ନାମ ସାମ୍ନାକୁ ଆସିଛି। ସେମାନେ ହେଲେ ମେହମୁଦ୍ ଅଲ-ଜାହର, ମହମ୍ମଦ ସିନୱାର। ହମାସର ପ୍ରତିଷ୍ଠାତା ସଦସ୍ୟମାନଙ୍କ ମଧ୍ୟରୁ ମେହମୁଦ୍ ଅଲ-ଜାହର୍ ଅନ୍ୟତମ। ସେ ସିନୱାରଙ୍କ ଘନିଷ୍ଠ ତଥା ଅତ୍ୟନ୍ତ ବିଶ୍ୱସ୍ତ ଭାବେ ମଧ୍ୟ ଜଣାଶୁଣା। ମେହମୁଦ୍ ଅଲ-ଜାହର୍ ମଧ୍ୟ ସିନୱାରଙ୍କ ଭଳି ଅତ୍ୟନ୍ତ କଠୋର ଆଭିମୁଖ୍ୟ ପାଇଁ ଜଣାଶୁଣା। ହମାସର ମାନଙ୍କ ଅନୁଯାୟୀ ମଧ୍ୟ ଅଲ-ଜାହର ହମାସ୍ ଗୋଷ୍ଠୀର ଆଦର୍ଶଗତ ଢାଞ୍ଚାରେ ପ୍ରମୁଖ ଭୂମିକା ଗ୍ରହଣ କରିଥିଲେ, ଯାହା ଦ୍ୱାରା ଇସ୍ରାଏଲ ଏବଂ ଗାଜାରେ ଇସଲାମବାଦୀ ଶାସନ ବିରୁଦ୍ଧରେ ସଂଗ୍ରାମ କରାଯାଇଥିଲା। ୨୦୦୬ ପାଲେଷ୍ଟାଇନ ବିଧାନସଭା ନିର୍ବାଚନ ପରେ ଦଳର କ୍ଷମତା ବୃଦ୍ଧିରେ ଅଲ-ଜାହର ମଧ୍ୟ ପ୍ରମୁଖ ଭୂମିକା ଗ୍ରହଣ କରିଥିଲେ ଏବଂ ଏହାର ପ୍ରଥମ ବୈଦେଶିକ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ।
ଅନେକ ଇସ୍ରାଏଲ ହତ୍ୟା ଉଦ୍ୟମରୁ ବଞ୍ଚିବା ସତ୍ତ୍ୱେ ୧୯୯୨ରେ ଏବଂ ୨୦୦୩ରେ – ଅଲ-ଜାହର ଆଜି ବି ହାମାସର ରାଜନୈତିକ ଗଠନରେ ଏକ ପ୍ରମୁଖ ଭୂମିକା ଗ୍ରହଣ କରିଆସିଛନ୍ତି। ସେହପରି ମହମ୍ମଦ ସିନୱାର ମଧ୍ୟ ୟାହୟା ସିନୱାରଙ୍କ ନୂତନ ସମ୍ଭାବ୍ୟ ଉତ୍ତରାଧିକାରୀ ଭାବେ ଉଭା ହୋଇଛନ୍ତି। ମହମ୍ମଦ ସିନୱାର ବାସ୍ତବରେ ୟାହିୟା ସିନୱାରଙ୍କ ନିଜ ସାନ ଭାଇ। ମହମ୍ମଦ ସିନୱାର ମଧ୍ୟ ହମାସର ସାମରିକ ୱିଙ୍ଗ ମଧ୍ୟରେ ଦୀର୍ଘ ଦିନର ନେତା ଭାବେ କାର୍ଯ୍ୟ କରିଆସିଛନ୍ତି। ମହମ୍ମଦ ସିନୱାର ମଧ୍ୟ ଇସ୍ରାଏଲ ବିରୋଧୀ ଆଭିମୁଖ୍ୟ ପାଇଁ ବେଶ୍ ପରିଚିତ। ତେବେ ଇସ୍ରାଏଲ୍ ସେନା ପକ୍ଷରୁ ତାଙ୍କୁ ହତ୍ୟା କରାଯିବା ପାଇଁ କରାଯାଇଥିବା ଅନେକ ଉଦ୍ୟମ ବିଫଳ ହୋଇଛି। ତେବେ ୟାହୟା ସିନୱାରଙ୍କ ଉତ୍ତରାଧିକାରୀ ତାଲିକାରେ ଅବୁ ମାରଜୁକ, ମହମ୍ମଦ ଡିଫ, ଖାଲିଲ ଅଲ-ହାୟା, ଖାଲିଦ ମଶଲ ନାମକ ଆଉ କିଛି ବ୍ୟକ୍ତି ମଧ୍ୟ ସାମିଲ ଥିବା ଜଣାପଡିଛି। ଇତ୍ୟାଦି।