ସିଏମଓ ଅଧିକାରୀଙ୍କୁ ଦାୟିତ୍ୱ ବଣ୍ଟନ

ଭୁବନେଶ୍ୱର : ସିଏମଓରେ କାର୍ଯ୍ୟରତ ଆଇଏଏସ ଅଧିକାରୀଙ୍କୁ ବିଭିନ୍ନ ବିଭାଗ ଦାୟିତ୍ୱ ବଣ୍ଟନ । ମୁଖ୍ୟମନ୍ତ୍ରୀଙ୍କ ଏସିଏସ , ବ୍ୟକ୍ତିଗତ ସଚିବ, ଅତିରିକ୍ତ ସଚିବଙ୍କୁ ଦାୟିତ୍ୱ ପ୍ରଦାନ । ଦୁଇ ଓଏଏସ ଓ ଜଣେ ଓଏଫଏସ ଅଧିକାରୀଙ୍କୁ ମଧ୍ୟ ମିଳିଲା ନୂଆ ଦାୟିତ୍ୱ । ୬ ଅଫିସରଙ୍କ ମଧ୍ୟରେ ଆଇଏଏସ ନିକୁଞ୍ଜ ଧଳଙ୍କୁ ଗୃହ, ଅର୍ଥ, ଶିଳ୍ପ ପରି ଗୁରୁତ୍ବପୂର୍ଣ୍ଣ ବିଭାଗ ଦିଆଯାଇଥିବା ବେଳେ ଆଇଏଏସ ଅରିନ୍ଦମ ଡାକୁଆଙ୍କୁ ପଞ୍ଚାୟତିରାଜ, ଜଳ ସମ୍ପଦ, ପୂର୍ତ୍ତ ବିଭାଗ ବଣ୍ଟନ କରାଯାଇଛି । ସେହିପରି ଆଇଏଏସ ଅନୁପମ ଶାହାଙ୍କୁ ରାଜସ୍ବ, ସୂଚନା, ଶିକ୍ଷା ଇତ୍ୟାଦି ବିଭାଗ ବଣ୍ଟାଯାଇଚି । ଏହାସହିତ ପ୍ରସନ୍ନ କୁମାର ଷଡଙ୍ଗୀ, ଚିତ୍ରସେନ ରାଉତ ଏବଂ ଉମେଶ ତ୍ରିପାଠୀଙ୍କୁ ମଧ୍ୟ ବାକି ଗୁରୁତ୍ବପୂର୍ଣ୍ଣ ବିଭାଗ ଉପରେ ତଦାରଖ କରିବା ପାଇଁ ନିଯୁକ୍ତି କରାଯାଇଛି । ଏହି ବରିଷ୍ଠ ଅଧିକାରୀ ମାନେ ବିଭିନ୍ନ ବିଭାଗର ତଦାରଖ କରିବା ସହ ମୁଖ୍ୟମନ୍ତ୍ରୀଙ୍କୁ ଏନେଇ ରିପୋର୍ଟ କରିବେ ।