ସୁବର୍ଣ୍ଣପୁର: କାରରୁ ଟାଣି ନେଇ ସରପଞ୍ଚଙ୍କୁ ଭୁଜାଲିରେ ହାଣିଦେଲେ ଦୁର୍ବୃତ୍ତ । ଏପରି ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିଆଲି ବ୍ଲକ କାର୍ଯ୍ୟାଳୟ ନିକଟରେ । ସରପଞ୍ଚଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ଆହତ ସରପଞ୍ଚ ଜଣଙ୍କ ହେଲେ ଇଚ୍ଛାପୁର ସରପଞ୍ଚ ପ୍ରଶାନ୍ତ ସାହୁ ।
ଗତକାଲି ପ୍ରଶାନ୍ତ ଓ ଅନ୍ୟ ଜଣେ ବ୍ୟକ୍ତି ବ୍ଲକ୍ କାର୍ଯ୍ୟାଳୟରୁ ବାହାରି କାରରେ କୌଣସି କାମରେ ଯାଉଥିଲେ । ଏହି ସମୟରେ ଦୁଇ ଜଣ ଦୁର୍ବୃତ୍ତ ଆସି ତାଙ୍କ କରକୁ ଅଟକାଇବା ସହ ସରପଞ୍ଚଙ୍କୁ ଟାଣି ନେଇ ଭୁଜାଲିରେ ଚୋଟ ପରେ ଚୋଟ ପକାଇଥିଲେ । ପ୍ରଶାନ୍ତ ନିଜ ଜୀବନ ବଞ୍ଚାଇବା ପାଇଁ ସରକାରୀ କ୍ୱାର୍ଟର୍ସ ଭିତରକୁ ଦୌଡ଼ି ପଳାଇଥିଲେ । ହେଲେ ଦୁର୍ବୃତ୍ତମାନେ ସରକାରୀ ବାସ ଭବନର ଗେଟକୁ ଲାତମାରି ଭିତରକୁ ପ୍ରବେଶ କରିବାକୁ ମଧ୍ୟ ଉଦ୍ୟମ କରିଥିଲେ । କିଛି ପରେ ସେଠାରୁ ପଳାଇ ଯାଇଥିଲେ ।
ପରେ ସରପଞ୍ଚଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ଡୁଙ୍ଗୁରିପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ସ୍ଥାନାନ୍ତରିତ କରାଯାଇଛି । ତେବେ କେଉଁ କାରଣ ପାଇଁ ସରପଞ୍ଚଙ୍କୁ ଦୃର୍ବୁତ୍ତମାନେ ଆକ୍ରମଣ କଲେ ତାର କାରଣ ଜଣାପଡ଼ିନାହିଁ । ଡୁଙ୍ଗୁରିପାଲି ପୁଲିସ ଘଟଣାର କରୁଛି ।
ସରପଞ୍ଚଙ୍କୁ ଭୁଜାଲିରେ ହାଣିଲେ ଦୁର୍ବୃତ୍ତ
