ଲ୍ୟାଣ୍ଡର୍ ଏବଂ ରୋଭର୍‌ରୁ ମିଳିନି ସିଗ୍‌ନାଲ୍‌; ଯୋଗାଯୋଗ ଉଦ୍ୟମ ଜାରୀ ରହିଛି: ଇସ୍ରୋ

ବେଙ୍ଗାଲୁରୁ : ଚନ୍ଦ୍ରଯାନ-୩ ମିଶନ୍‌ର ଲ୍ୟାଣ୍ଡର୍ ଏବଂ ରୋଭର୍‌ରୁ କୌଣସି ସିଗ୍‌ନାଲ୍ ମିଳିନାହିଁ । ଲ୍ୟାଣ୍ଡର୍ ବିକ୍ରମ ଏବଂ ରୋଭର୍ ପ୍ରଜ୍ଞାନକୁ ସ୍ଲିପ୍ ମୋଡ୍‌ରୁ ବାହାରକୁ ଆଣିବା ପାଇଁ ଉଦ୍ୟମ ଜାରୀ ରହିଥିବା ଇସ୍ରୋ ପକ୍ଷରୁ ଶୁକ୍ରବାର କୁହାଯାଇଛି । ସୋସିଆଲ୍ ମିଡିଆ ଏକ୍ସ’ରେ ପୋଷ୍ଟ୍‌କରି ଇସ୍ରୋ ପକ୍ଷରୁ କୁହାଯାଇଛି ଲ୍ୟାଣ୍ଡର୍ ଓ ରୋଭର୍‌ର ସ୍ଲିପ୍ ମୋଡ୍‌ରୁ ବାହାରକୁ ଆସିବା ସ୍ଥିତି ସମ୍ପର୍କରେ ଜାଣିବା ନିମନ୍ତେ ସେମାନଙ୍କ ସହିତ ଯୋଗାଯୋଗ ସ୍ଥାପନ ପାଇଁ ପ୍ରୟାସ ଜାରୀ ରହିଛି । ସ୍ପେସ୍ ଆପ୍ଲିକେସନ୍ ସେଣ୍ଟର୍ ନିର୍ଦ୍ଦେଶକ ନୀଲେଶ ଦେସାଇ କହିଛନ୍ତି, ଏବେ ଲ୍ୟାଣ୍ଡର୍ ଓ ରୋଭର୍‌କୁ ଶନିବାର ଆକ୍ଟିଭ୍ କରିବା ଉଦ୍ୟମ କରାଯିବ ।