କୋଣାର୍କ : କୋଣାର୍କ ଥାନା ଅନ୍ତର୍ଗତ ଅବଦାନ ପଞ୍ଚାୟତ ବାଘଗୋରଡି ଗାଁ କାଦୁଆ ନଦୀରେ ଭାସମାନ ଅବସ୍ଥାରେ ଏକ ମହିଳାଙ୍କ ଶବ ଉଦ୍ଧାର କରାଯାଇଛି । ସ୍ଥାନୀୟ ଲୋକଙ୍କଠାରୁ ଖବର ପାଇ କୋଣାର୍କ ପୁଲିସ ଘଟଣାସ୍ଥଳରେ ପହଞ୍ଚି କୋଣାର୍କ ଚମ୍ପାହର ଅଗ୍ନିଶମ ବିଭାଗ ସହାୟତାରେ ଶବକୁ ଉଦ୍ଧାର କରିଥିଲେ । କୌଣସି ସୂତ୍ରରୁ ଖବର ପାଇ ପରିବାର ଲୋକ ପହଞ୍ଚି ଶବକୁ ଚିହ୍ନଟ କରିଥିଲେ । ମୃତ ମହିଳାଜଣଙ୍କ ନିକଟସ୍ଥ କନ୍ତିମଳା ଗ୍ରାମର ପ୍ରସନ୍ନବାଳା ନାମକ ବ୍ୟକ୍ତିଙ୍କ ସ୍ତ୍ରୀ କିରଣବଳ ବାଳା(୪୫) ବୋଲି ପରିଚୟ ମିଳିଛି ।
ଗତ ୨୮ତାରିଖ ସନ୍ଧ୍ୟାରେ ସେ ଘରୁ ବାହାରି ବାହାରକୁ ଆସିଥିଲେ । ବିଳମ୍ବିତ ରାତି ପର୍ଯ୍ୟନ୍ତ ଘରକୁ ନଫେରିବାରୁ ପରିବାର ଲୋକ ବହୁ ଖୋଜାଖୋଜି କରି ନ ପାଇ ନିରାଶ ହୋଇଥିଲେ । ପରିବାର ପକ୍ଷରୁ ଏ ନେଇ କୋଣାର୍କ ଥାନାରେ କୌଣସି ଲିଖିତ ଅଭିଯୋଗ କରାଯାଇ ନଥିବା ଜଣାପଡିଛି । କୋଣାର୍କ ପୁଲିସ ପକ୍ଷରୁ ଏଏସ୍ଆଇ ଅଜିତ ସ୍ୱାଇଁ, ବନମାଳୀ ନାୟକ, କନ୍ଷ୍ଟେବଳ ନିରୂପମା ମଲ୍ଲିକ ଶବ ଜବତ ପରେ ଏକ ମାମଲା ରୁଜୁକରି ତଦନ୍ତ ଚଳାଇଛନ୍ତି ।
