ପୁରୀ : ସହରରେ ଦିନକୁ ଦିନ ଅସାମାଜିକ କାର୍ଯ୍ୟକଳାପ ବଢ଼ିବାରେ ଲାଗୁଥିବା ବେଳେ ସଜାଗ ଅଛି ପୁରୀ ପୋଲିସ । ପର୍ଯ୍ୟଟକ ଏବଂ ଯାତ୍ରୀ ମାନଙ୍କ ଠାରୁ ଦାଦାବଟି ଆଦାୟ କରିବା ଅଭିଯୋଗରେ ପୋଲିସ ଏକ ୪ ଜଣିଆ ଗ୍ରୁପକୁ ଗିରଫ କରିଛି । ବାଳିଆପଣ୍ଡା ଥାନା ପୋଲିସ ଦାଦାବଟି ଆଦାୟ କରୁଥିବା ୪ ଜଣ ଅଭିଯୁକ୍ତକୁ ଗିରଫ କରି ଶନିବାର କୋର୍ଟ ଚାଲାଣ କରିଛି ।
ଗିରଫ ଅଭିଯୁକ୍ତ ମାନେ ହେଲେ ବାଳିଆପଣ୍ଡା ଥାନା ଅନ୍ତର୍ଗତ ଗଜପତି ହୋଟେଲ ଲେନ୍?ର ସତ୍ୟବ୍ରତ ପଣ୍ଡା ଓରଫ ବାବୁନା (୩୬), ମହେଶ୍ୱର ନଗର ବିଧବାଶ୍ରମ ଛକ ନିକଟର ରମାକାନ୍ତ ବାରିକ୍ ଓରଫ ଚନ୍ଦନ (୨୫), ବିଧବାଶ୍ରମ ଛକ ଅଙ୍ଗନବାଡି ସେଣ୍ଟର ନିକଟର ସୁରେନ୍ଦ୍ର ରଜକ ଓରଫ ସୁରିଆ ସେଠୀ (୨୫) ଏବଂ ଗୈାଡବାଡ ସାହି ବଙ୍ଗାଳୀ କଲୋନୀର ବିଶ୍ୱଜିତ୍ କର୍ମାକର ଓରଫ ଶୁଭମ (୨୫) । ପୋଲିସ ଅଭିଯୁକ୍ତ ମାନଙ୍କ ନିକଟରୁ ତିନୋଟି ଛୁରୀ, ଗୋଟିଏ ଲୁହା ରଡ, ତିନୋଟି ମୋବାଇଲ ଫୋନ ଏବଂ ନଗଦ ୧୫ ହଜାର ୧୦୦ ଟଙ୍କା ଜବତ କରିଥିଲା । ମିଳିଥିବା ସୂଚନା ମୁତାବକ, ଅଭିଯୁକ୍ତ ମାନେ ସୁଭ୍ ପ୍ଲାଲେସ ଛକ ନିକଟରେ ଯାତ୍ରୀ ମାନଙ୍କ ଠାରୁ ଦାଦାବଟି ଆଦାୟ କରୁଥିବା ବେଳେ ପୋଲିସ ଅଭିଯୁକ୍ତ ମାନଙ୍କୁ ଗିରଫ କରିବାରେ ସକ୍ଷମ ହୋଇଥିଲା । ଏନେଇ ବାଳିଆପଣ୍ଡା ଥାନା ପୁଲିସ ଏକ ମାମଲା ରୁଜୁ କରି ଅଭିଯୁକ୍ତକୁ ଶନିବାର କୋର୍ଟ ଚାଲାଣ କରିଛି ।
