କେନାଲରେ ବୁଡିଯାଇଥିଲେ ବୃଦ୍ଧ, ୧୫ ଘଣ୍ଟା ପରେ ମିଳିଲା ମୃତଦେହ

କେନ୍ଦୁଝର : ୧୫ ଘଣ୍ଟା ପରେ ମିଳିଲା ନିଖୋଜ ବୃଦ୍ଧଙ୍କ ମୃତଦେହ । ମଙ୍ଗଳବାର ସନ୍ଧ୍ୟାରେ କେନାଲକୁ ଗାଧୋଇବାକୁ ଯାଇ ପାଣିରେ ବୁଡି ନିଖୋଜ ବୃଦ୍ଧଙ୍କ ମୃତଦେହ ପ୍ରାୟ ୧୫ଘଣ୍ଟା ପରେ ଉଦ୍ଧାର ହୋଇଛି । ମୃତକ ସୋସ ଥାନା ଝଣଝଣା ଗ୍ରାମର ଗୋବିନ୍ଦ ଦେହୁରୀ । ମଙ୍ଗଳବାର ଗାଁ ନିକଟରେ ଥିବା ବୈତରଣୀ ବାମ କେନାଲକୁ ଗାଧୋଇବାକୁ ଯାଇ ପାଣିରେ ବୁଡି ନିଖୋଜ ହୋଇଥିଲେ । ବୁଧବାର ସକାଳୁ ମୃତଦେହ ଭାସୁଥିବା ଦେଖି ସ୍ଥାନିୟ ଲୋକେ ଖବର ଦେବାରୁ ଅଗ୍ନିଶମ ବିଭାଗ କର୍ମଚାରୀମାନେ ମୃତଦେହ ଉଦ୍ଧାର କରିଛନ୍ତି । ସୋସ ପେଲିସ୍ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।