କଳାହାଣ୍ଡି : ଜିଲ୍ଲାର ଗୋଲାମୁଣ୍ଡା ଥାନା ଡୁଙ୍ଗୁରିଗୁଡାଠାରେ ବସ ବାଇକ ମୁହାଁ ମୁହିଁ ଧକ୍କା ହେବାରୁ ଘଟଣା ସ୍ଥଳରେ ଦୁଇ ଜଣ ମୃତ୍ୟୁ ବରଣ କରିବା ବେଳେ ଜଣେ ଝିଅକୁ ଡାକ୍ତରଖାନ ନେଉଥିବା ସମୟରେ ମୃତ୍ୟୁ ବରଣ କରିଥିବା ଜଣାପଡିଛି ।
ଆଜି କେଗାଁରୁ କେସିଙ୍ଗା ଅଭିମୁଖେ ଯାଉଥିବା ଜୟ ଜଗନ୍ନାଥ ବସ ଅପରାହ୍ନ ସମୟରେ ଡୁଙ୍ଗୁରିଗୁଡା ନିକଟରେ ଏକ ବାଇକ ସହିତ ମୁହାଁ ମୁହିଁ ଧକ୍କା ହୋଇଥିଲା । ମୁହାଁ ମୁହିଁ ଧକ୍କା ହେବା ଫଳରେ ବାଇକ ଚାଳକ ଓ ବାଇକରେ ବସିଥିବା ଜଣେ ମହିଳାଙ୍କ ଘଟଣା ସ୍ଥଳରେ ମୃତ୍ୟୁ ବରଣ କରିଥିବା ବେଳେ ବାଇକରେ ବସିଥିବ ଅନ୍ୟଜଣେ ଛୋଟ ଝିଅକୁ ଆମ୍ବୁଲାନ୍ସ ଯୋଗେ ଧର୍ମଗଡ ଡାକ୍ତରଖାନାକୁ ନେଉଥିବା ସମୟରେ ମୃତ୍ୟୁ ବରଣ କରିଥିବା ଜଣାଯାଏ । ମୃତମାନେ ସ୍ଥାନୀୟ ତୁରେଛଡ଼ା ଗ୍ରାମର ଦୁଇ ସ୍ୱାମୀ ସ୍ତ୍ରୀ କୃଷ୍ଣଚନ୍ଦ୍ର ବାଗ ,ସୁକେସି ବାଗ ଓ ତାଙ୍କ ଝିଅ ସୁପ୍ରିଆ ବାଗ ବୋଲି ଜଣାପଡିଛି । ଏହି ପରିବାରର ଏକ ବାହାଘର ଭାଜି ଖାଇ ନିଜ ଗାଁକୁ ଫେରୁଥିଲେ । ଘଟଣାସ୍ଥଳରେ ଧର୍ମଗଡ଼ ଉପଖଣ୍ଡ ପୋଲିସ ଅଧିକାରୀ ନାରାୟଣ ନାୟକ ଓ ଗୋଲାମୁଣ୍ଡା ଆଇଆଇସି ଯୁଗଳ ଶବର ଉପସ୍ଥିତ ରହି ତଦନ୍ତ ଜାରି ରଖିଥିବା ଜଣାପଡିଛି ।
ଡୁଙ୍ଗୁରିଗୁଡାଠାରେ ବସ ବାଇକ ମୁହାଁ ମୁହିଁ ଧକ୍କା : ଗୋଟିଏ ପରିବାରର ତିନି ମୃତ
