ସାମ୍ବାଦିକ ଅର୍ଣ୍ଣବଙ୍କୁ ଜାମିନ

ନୂଆଦିଲ୍ଲୀ: ରିପବ୍ଲିକ ଟିଭି ମୁଖ୍ୟ ସଂପାଦକ ଅର୍ଣ୍ଣବ ଗୋସ୍ୱାମୀଙ୍କୁ ଜାମିନ ମଂଜୁର ହୋଇଛି । ଅର୍ଣ୍ଣବଙ୍କ ଅନ୍ତରୀଣ ଜାମିନ ମଂଜୁର କରିଛନ୍ତି ସୁପ୍ରିମକୋର୍ଟ । ୮ ଦିନ ପରେ ଦେଲରୁ ମୁକ୍ତି ପାଇବେ ଅର୍ଣ୍ଣବ ଗୋସ୍ୱାମୀ । ଆକ୍ରୋଶମୂଳକ ଭାବରେ ଅର୍ଣ୍ଣବଙ୍କୁ ଗିରଫ ଅଭିଯୋଗ ଥିଲା । ଗତ ସପ୍ତାହରେ ଅନଭଇ ନାୟକ ଏବଂ ତାଙ୍କ ମାଆଙ୍କ ଆତ୍ମହତ୍ୟା ଘଟଣାରେ ସେ ଏବଂ ଅନ୍ୟ ଦୁଇଜଣଙ୍କୁ ଗିରଫ କରାଯାଇଥିଲା । ଭିଡିଓ କନଫରେନ୍ସିଂ ଜରିଆରେ ଏହି ଆବେଦନର ଶୁଣାଣି କରିଥିଲେ ଜଷ୍ଟିସ୍ ଡିଏ ଚନ୍ଦ୍ରଚୁଦ୍ ଏବଂ ଇନ୍ଦିରା ବାନାର୍ଜୀଙ୍କ ଦୁଇ ଜଣିଆ ଖଣ୍ଡପୀଠ ।ସୁପ୍ରିମକୋର୍ଟ କହିଛନ୍ତି ଯେ ଏହି ଘଟଣାରେ ଅର୍ଣ୍ଣବ ଗୋସ୍ୱାମୀ ସହଯୋଗ କରିବେ। ବମ୍ବେ ହାଇକୋର୍ଟ ଶ୍ରୀ ଗୋସ୍ୱାମୀଙ୍କ ଗିରଫଦାରୀ ଏବଂ ମାମଲାର ପୁନ ଖୋଲିବା ଆବେଦନକୁ ପ୍ରତ୍ୟାଖ୍ୟାନ କରିବାର ଦୁଇ ଦିନ ପରେ ଶୁଣାଣି ହୋଇଛି। ଶ୍ରୀ ଗୋସ୍ୱାମୀଙ୍କ ଓକିଲ ହରିଶ ସାଲଭେ ଏହି ଶୁଣାଣିରେ ଯୁକ୍ତି ବାଢ଼ିଛନ୍ତି ଯେ : “ଅର୍ଣ୍ଣବ ଗୋସ୍ୱାମୀ ଜଣେ ଆତଙ୍କବାଦୀ କି ? ତାଙ୍କ ଉପରେ କୌଣସି ହତ୍ୟା ଅଭିଯୋଗ ଅଛି କି? ତାଙ୍କୁ ଜାମିନ ଦିଆଯାଇପାରିବ ନାହିଁ କାହିଁକି?” ଗତ ବୁଧବାର ଦିନ ଟିଭି ଆଙ୍କର ଗିରଫ ହେବା ନେଇ ମହାରାଷ୍ଟ୍ର ସରକାରଙ୍କ ପାଇଁ କୋର୍ଟରେ କିଛି କଠୋର ଶବ୍ଦ ଥିଲା।