ବନ୍ଦନଝରି ଗାଁ ପୋଲ ତଳୁ ମିଳିଲା ମୃତଦେହ

ତେଲକୋଇ: ତେଲକୋଇ ଥାନା ଅନ୍ତର୍ଗତ ବନ୍ଦନଝରି ଗାଁ ପୋଲତଳୁ ମିଳିଲା ମୃତଦେହ ।ମୃତକ ହେଲେ କୃଷ୍ଣପୁର ଗାଁର ବନମାଳୀ ନାୟକ । ଗତକାଲି ଆକୁଳ ଗାଁ ହାଟକୁ ଯାଇ ଫେରି ନଥିଲେ । ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ ବନମାଳୀ ଙ୍କୁ ପାଇନଥିଲେ । ଗତକାଲି ରାତି ୮ଟା ବେଳକୁ ବନ୍ଦନଝରି ଗାଁ ର ଦୁଇ ଜଣ ଲୋକ ତାଙ୍କ ସ୍ତ୍ରୀ ମାଳତୀ ନାୟକ ଙ୍କୁ ପୋଲତଳେ ବନମାଳୀ ପଡିଥିବା ସମ୍ପର୍କରେ ଜଣାଇବା ପରେ ସେ ପରିବାର ଲୋକଙ୍କ ସହ ଆସି ଘଟଣା ସ୍ଥଳରେ ପହଞ୍ଚି ତେଲକୋଇ ପୁଲିସ କୁ ଜଣାଇଥିଲେ ଏବଂ ପୁଲିସ ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରି ବ୍ୟବଛେଦ ପାଇଁ ତେଲକୋଇ ମେଡିକାଲ କୁ ଆଣିଛି । ମୁଣ୍ଡରେ ଗଭୀର କ୍ଷତ ଚିହ୍ନ ଥିବାରୁ ହତ୍ଯା ସନ୍ଦେହ ନେଇ ପୋଲିସ ତଦନ୍ତ ଜାରି ରଖିଥିବା ଜଣାପଡିଛି ।