ଭୁବନେଶ୍ୱର : ପୁରୀର ପୁଲିସ କ୍ୱାଟର୍ସରେ ଜଣେ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗରେ ୨ ଦିନ ହେଲା ସମଗ୍ର ରାଜ୍ୟରେ ଉଠିଛି ପ୍ରତିବାଦର ସ୍ୱର। ପ୍ରତିବାଦରେ ଆଜି ନବୀନ ନିବାସରେ ପଶିବାକୁ ଉଦ୍ୟମ କରିଛି ବିଜେପି ମହିଳା ମୋର୍ଚ୍ଚା । ଶତାଧିକ ସଂଖ୍ୟାରେ ମହିଳା ବିଭିନ୍ନ ଦିଗରୁ ନବୀନ ନିବାସ ଆଡ଼କୁ ମାଡ଼ି ଆସିବାରୁ ସେମାନଙ୍କୁ ଆୟତ୍ତ କରିବାକୁ ଯାଇ ମହିଳା ମୋର୍ଚ୍ଚା କର୍ମୀ – ପୁଲିସ ମଧ୍ୟରେ ଧସ୍ତାଧସ୍ତି ହେବାକୁ ପଡ଼ିଛି।
ବିଜେପି ମହିଳା ମୋର୍ଚ୍ଚାର ସଭାନେତ୍ରୀ ପ୍ରଭାତି ପରିଡା, ସୁରମା ପାଢୀ ପ୍ରମୁଖଙ୍କ ନେତୃତ୍ୱରେ ଶତାଧିକ ସଂଖ୍ୟାରେ ମହିଳା ଆଜି ନବୀନ ନିବାସ ଆଡ଼େ ମାଡ଼ି ଆସୁଥିଲେ। ଏହାଦେଖି ଏୟାରପୋର୍ଟ ରାସ୍ତାରେ ଯିବା ବେଳେ ପ୍ରଥମେ ଆନ୍ଦୋଳନକାରୀଙ୍କୁ ଅଟକାଇଥିଲା ପୁଲିସ୍। କିନ୍ତୁ ଏହି ସମୟରେ ଏକ ଗଳି ରାସ୍ତାରେ ପଶି ଟ୍ରାଫିକ ପୋଷ୍ଟ ଯାଏ ପହଞ୍ଚି ଯାଇଥିଲେ ଆଉ କିଛି କର୍ମୀ ।
ବହୁ ସଂଖ୍ୟାରେ ମହିଳା କର୍ମୀ ଅଚାନକ ମାଡ଼ି ଆସୁଥିବା ଦେଖି ହଡ଼ବଡ଼େଇ ଯାଇଥିଲେ ପୁଲିସ କର୍ମୀ। ସେମାନଙ୍କୁ ଅଟକାଇବାକୁ ଚେଷ୍ଟା କଲାବେଳେ ପଳାସପଲ୍ଲୀ ଆଡୁ ଆଉ କିଛି କର୍ମୀ ମାଡ଼ି ଆସିଲେ । ଏହି ସମୟରେ ପୁଲିସ୍ ସହ ଧସ୍ତାଧସ୍ତି ପରେ ରାସ୍ତାରେ ଶୋଇଯାଇଥିଲେ କିଛି ମହିଳା ମୋର୍ଚ୍ଚା କର୍ମୀ ସୋଇ ରହିଥିବା ଦେଖିବାକୁ ମିଳିଥିଲା |
ଯୁବତୀଙ୍କୁ ଗଣଦୁଷ୍କର୍ମ ଘଟଣା : ବିଜେପି ମହିଳା ମୋର୍ଚ୍ଚା କର୍ମୀ – ପୁଲିସ ମଧ୍ୟରେ ଧସ୍ତାଧସ୍ତି
