ମେକ୍ସିକୋ ନାଇଟ୍‌କ୍ଲବରେ ଗୁଳିକାଣ୍ଡ, ୮ ମୃତ

ମେକ୍ସିକୋ ସିଟି : ମେକ୍ସିକୋର ଜାକାଟେକାସ୍ ପ୍ରଦେଶ ଅନ୍ତର୍ଗତ ଜେରେଜ୍ ସହରରେ ଶନିବାର ରାତିରେ ଏକ ନାଇଟ୍‌କ୍ଲବରେ ଗୁଳିକାଣ୍ଡ ଘଟି ୮ ଜଣ ପ୍ରାଣ ହରାଇଥିବାବେଳେ ୫ ଜଣ ଆହତ ହୋଇଛନ୍ତିି । ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ପୁଲିସ ସୂତ୍ର ଅନୁଯାୟୀ ଘଟଣା ଦିନ ସଶସ୍ତ୍ର ଆକ୍ରମଣକାରୀମାନେ ଦୁଇଟି କାର୍‌ରେ ସେଠାରେ ଆସି ପହଞ୍ଚିବାପରେ କ୍ଲବ ମଧ୍ୟରେ ପ୍ରବେଶ କରି ଆଖିବୁଜା ଗୁଳିଚାଳନା କରିଥିଲେ । ମୃତାହତଙ୍କ ମଧ୍ୟରେ କ୍ଲବ୍ କର୍ମଚାରୀ, ମ୍ୟୁଜିସିଆନ୍ ଓ ଗ୍ରାହକ ସାମିଲ ଅଛନ୍ତି ।