ମାଡ୍ରାସ ହାଇକୋର୍ଟ ଜଜ୍ ପାଇଁ ୪ ନାମ ସୁପାରିସ

ନୂଆଦିଲ୍ଲୀ : ମାଡ୍ରାସ ହାଇକୋର୍ଟରେ ଜଜ୍ ପଦରେ ନିଯୁକ୍ତି ପାଇବାକୁ ସୁପ୍ରିମକୋର୍ଟ କଲେଜିୟମ ପକ୍ଷରୁ ବୁଧବାର ୪ ଜଣଙ୍କ ନାମ କେନ୍ଦ୍ର ସରକାରଙ୍କୁ ସୁପାରିସ କରାଯାଇଛି । ଏମାନେ ହେଲେ ଆର.ଶକ୍ତିଭେଲ,ପି.ଧନାବଲ, ଚିନ୍ନାସ୍ୱାମୀ କୁମାରାପ୍ପାନ ଓ କେ.ରାଜଶେଖର । ଏଥିସହିତ ପୂର୍ବରୁ ହାଇକୋର୍ଟ ଜଜ୍ ପାଇଁ ସୁପାରିସ କରାଯାଇଥିବା ଜନ୍ ସତ୍ୟନ ଓ ରାମସ୍ୱାମୀ ନୀଳକନ୍ଦନଙ୍କ ନାମକୁ ବିଚାର କରିବାକୁ ମଧ୍ୟ କେନ୍ଦ୍ରକୁ ଅନୁରୋଧ କରାଯାଇଛି । ଏହି ପ୍ରକ୍ରିୟାରେ ବିଳମ୍ବ ଘଟିଲେ ସଂପୃକ୍ତ ଜଜ୍‌ମାନଙ୍କର ବରିଷ୍ଠତାରେ ବାଧା ସୃଷ୍ଟି ହେଉଥିବାରୁ ଏହା ଉପରେ ତୁରନ୍ତ ନିଷ୍ପତ୍ତି ନେବାକୁ କେନ୍ଦ୍ର ସରକାରଙ୍କୁ ଅନୁରୋଧ କରାଯାଇଛି ।