ନୂଆଦିଲ୍ଲୀ: ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ପକ୍ଷରୁ ଘରୋଇ ଏୟାରଲାଇନ୍ସ ଏୟାର ଏସିଆ ଉପରେ ୨୦ ଲକ୍ଷ ଟଙ୍କାର ଜୋରିମାନା ଲାଗୁ କରାଯାଇଛି । ଏଥିସହିତ ଏୟାର ଏସିଆର ପ୍ରଶିକ୍ଷଣ ବିଭାଗ ମୁଖ୍ୟଙ୍କୁ ୩ ମାସ ନିଲମ୍ବିତ କରାଯାଇଥିବାବେଳେ ୮ ଜଣ ପ୍ରଶିକ୍ଷକଙ୍କୁ ପ୍ରତ୍ୟେକ ୩ ଲକ୍ଷ ଟଙ୍କାର ଅର୍ଥଦଣ୍ଡ ପ୍ରଦାନ କରାଯାଇଛି । ଅର୍ଥାତ୍ ଏୟାରଲାଇନ୍ସ ଉପରେ ମୋଟ ୪୪ ଲକ୍ଷ ଟଙ୍କାର ଜୋରିମାନା ଲାଗୁ କରାଯାଇଛି । ପାଇଲଟ୍ମାନଙ୍କୁ ସଠିକ୍ ପ୍ରଶିକ୍ଷଣ ଦିଆଯାଉନଥିବାରୁ ଏଭଳି ଦଣ୍ଡାଦେଶ ପ୍ରଦାନ କରାଯାଇଥିବା କୁହାଯାଇଛି ।