ବନ କାର୍ଯ୍ୟାଳୟ ଓ କୃଷକ ଭବନ ଉଦ୍‌ଘାଟିତ

ଢେଙ୍କାନାଳ : ଢେଙ୍କାନାଳ ଜିଲ୍ଲା ଗଁଦିଆ ବ୍ଲକ୍ ପିଙ୍ଗୁଆ ଗ୍ରାମ ପଞ୍ଚାୟତ ଅନ୍ତର୍ଗତ ଟୋଲପଶି ଗ୍ରାମରେ ବନ କର୍ଯ୍ୟାଳୟ ଓ କୃଷକ ଭବନ ଢେଙ୍କାନାଳ ସଦର ବିଧାୟକ ଶ୍ରୀଯୁକ୍ତ ସୁଧୀର କୁମାର ସାମଲଙ୍କ କରକମଳରେ ଉଦ୍‌ଘାଟିତ ହୋଇଯାଇଛି । ବିଧାୟକ ଶ୍ରୀ ସାମଲ ଗ୍ରାମର ହନୁମାନ ମନ୍ଦିର ନିକଟରେ ଏକ ସାଧାରଣ ସଭାରେ ଯୋଗ ଦେଇ ଗ୍ରାମର ଉନ୍ନତି ପାଇଁ ଯୁବ ଗୋଷ୍ଠୀ ଉଦ୍ୟମ କରିବା ଆବଶ୍ୟକ ବୋଲି କହିଥିଲେ । ଗ୍ରାମର ଯୁବ ନେତା ବାବୁ ନାୟକଙ୍କ ଆବାହନରେ ଆୟୋଜିତ ଏହି ସଭାରେ ପଞ୍ଚାୟତ ସମିତି ଅଧ୍ୟକ୍ଷା ଗିତାଞ୍ଜଳୀ ସ୍ୱାଇଁ, ଜିଲ୍ଲା ପରିଷଦ ସଭ୍ୟା ରଶ୍ମୀଶ୍ରୀ ମହାଳିକ, ଜିଲ୍ଲା କୃଷକ ମୋର୍ଚ୍ଚା ସଭାପତି ନରୋତ୍ତମ ସାହୁ, ନବକିଶୋର ସାମଲ, ସମାଜ ସେବୀ କୈଳାଶ ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ଥିଲେ । ବିଶ୍ୱଜିତ ସାମଲ ଗ୍ରାମର ପାନୀୟଜଳ ଓ ଅନ୍ୟାନ୍ୟ ସମସ୍ୟା ସଂପର୍କରେ ଦୃଷ୍ଟି ଆକର୍ଷଣ କରାଇଥିଲେ ।