ନୂଆଦିଲ୍ଲୀ : ଭାରତୀୟ ଜନତା ପାର୍ଟି ସଂସଦୀୟ ଦଳର ବୈଠକରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଗ ଦେଇଥିଲେ । ଏହି ବୈଠକରେ ପ୍ରଧାନମନ୍ତ୍ରୀ ମୋଦୀ ତୁର୍କୀରେ ଘଟିଥିବା ଭୟଙ୍କର ଭୂକମ୍ପ ବିଷୟରେ ଉଲ୍ଲେଖ କରି ଭାବପ୍ରବଣ ହୋଇଯାଇଥିଲେ । ଗୁଜୁରାଟରେ କୁଚ୍ ଭୂକମ୍ପକୁ ମନେ ପକାଇ ପ୍ରଧାନମନ୍ତ୍ରୀ କହିଛନ୍ତି ଯେ ଆମେ ମଧ୍ୟ ଏଭଳି ଅସୁବିଧାର ସମ୍ମୁଖୀନ ହୋଇଛୁ ।
ବିଜେପି ସଂସଦୀୟ ଦଳ ବୈଠକରେ ତୁର୍କୀ ଏବଂ ସିରିଆରେ ହୋଇଥିବା ଭୂକମ୍ପରେ ସମବେଦନା ଜଣାଯାଇଛି। ସେଠାରେ ସୃଷ୍ଟି ହୋଇଥିବା ପରିସ୍ଥିତି ବିଷୟରେ ଆଲୋଚନା କରି ପ୍ରଧାନମନ୍ତ୍ରୀ ମୋଦୀ ୨୦୨୧ ମସିହାରେ କୁଚ ଭୂକମ୍ପକୁ ମନେ ପକାଇ କହିଥିଲେ ଯେ ଆମେ ମଧ୍ୟ ଏଭଳି ଭୟର ସମ୍ମୁଖୀନ ହୋଇଛୁ। ଏହି କଷ୍ଟ ସମୟରେ ଆମେ (ଭାରତ) ତୁର୍କୀକୁ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବୁ।
ସୂଚନା ମୁତାବକ, ବାସ୍ତବରେ ସୋମବାର (ଫେବୃଆରୀ ୬) ରେ ତୁର୍କୀରେ ଏକ ଭୟଙ୍କର ଭୂକମ୍ପ ହୋଇଥିଲା। ଏହାର ତୀବ୍ରତା ୭.୮ ରେ ମାପ କରାଯାଇଥିଲା ଜ୍ଝ ଏହି ଭୂକମ୍ପ ଏତେ ଭୟଙ୍କର ଥିଲା ଯେ ବର୍ତ୍ତମାନ ପର୍ୟ୍ୟନ୍ତ ୪,୩୦୦ ଲୋକଙ୍କ ମୃତ୍ୟୁ ପଞ୍ଜିକୃତ ହୋଇଥିବାବେଳେ ୧୫ ହଜାରରୁ ଅଧିକ ଲୋକ ଆହତ ହୋଇଛନ୍ତି।
