ରେଳ ଧାରଣାରେ ଶୋଇଥିବା ଯୁବକଙ୍କ ଉପରେ ଚାଲିଗଲା ଟ୍ରେନ୍‌, ତା’ପରେ ଘଟିଲା ଏପରି….

ନୂଆଦିଲ୍ଲୀ : ‘ଯାହାକୁ ରଖିବେ ଅନନ୍ତ କି କରିପାରେ ବଳବନ୍ତ’ । ଆପଣ ଏହି କଥା ଶୁଣିଥିବେ ଆୟୁଷ ପୂୂରିନଥିଲେ ଯମ ବି ମାରିପାରିବନି । ଏହି କଥା ପୂରା ଅକ୍ଷରେ ଅକ୍ଷରେ ପାଳନ ହୋଇଛି ଜଣେ ବ୍ୟକ୍ତିଙ୍କ ଠାରେ । ରାଜସ୍ଥାନ ସୱାଇ ମାଧୋପୁରରେ ଏକ ମାଲଗାଡି ଟ୍ରେନ ଯୁବକଙ୍କ ଉପର ଦେଇ ଚାଲିଗଲା କିନ୍ତୁ ରେଳ ଧାରଣାରେ ଶୋଇ ରହିଥିବା ଯୁବକଙ୍କର ଏତିିକି ଟିକିଏ ବି କିଛି ହୋଇନାହିଁ । ସୂଚନା ଅନୁଯାୟୀ, ଗଙ୍ଗାପୁର ସହରରେ କରୌଲୀ ଏବଂ ହିଣ୍ଡୋନ ଗେଟ ମଝିରେ ଦିଲ୍ଲୀ-ମୁମ୍ବାଇ ମେନ ଲାଇନରେ ଜଣେ ଯୁବକ ରେଳ ଧାରଣା ଉପରକୁ ଚାଲିଆସିଥିଲେ । ଏହି ଘଟଣାର ଭିଡିଓ ଯେତେବେଳେ ସୋସିଆଲ ମିଡିଆରେ ଭାଇରାଲ ହେଲା ସେତେବେଳେ ଲୋକେ ଏହି ଘଟଣାର ଦୃଶ୍ୟ ଦେଖି ଏକଦମ୍ ଆଶ୍ଚର୍ଯ୍ୟ ହୋଇଯାଇଥିଲେ । ଭିଡିଓରେ ଦେଖିବାକୁ ମିଳିଥିଲା ଯେ ଜଣେ ଯୁବକ ରେଳ ଧାରଣା ମଝିରେ ବେହୋସ ହୋଇ ପଡି ରହିଥିଲେ । ଆଉ ତାଙ୍କ ଉପରେ ମାଲବାହୀ ଟ୍ରେନ ଚାଲିଗଲା ଅଥଚ ସେ ଜାଣିପାରିଲେନି । ରେଳ ଧାରଣାରେ ପଡି ରହିଥିବା ଏହି ଯୁବକଙ୍କ ନା’ ହେଉଛି ଦଲଚନ୍ଦ ମହାବର । ତାଙ୍କ ବୟସ ୨୭ ବର୍ଷ ବୋଲି ଜଣାପଡିଛି । ତେବେ କୁହାଯାଉଛି ଯେ ଯୁବକ ଜଣଙ୍କ ପ୍ରଚୁର ମଦ ପିଇଥିଲେ । ନିଶାରେ ଚୂର ହୋଇ ସେ ରେଳ ଧାରଣା ପାର କରୁଥିବାବେଳେ ରେଳ ଧାରଣା ମଝିରେ ଫସିଗଲେ । ମୁଣ୍ଡରେ ଆଘାତ ଲାଗିଥିବା କାରଣରୁ ସେ ବେହୋସ ହୋଇ ଟ୍ରାକ ଉପରେ ହିଁ ପଡି ରହିଲେ । କିନ୍ତୁ ଏହି ସମୟରେ ଟ୍ରେନଟି ଯୁବକଙ୍କ ଉପର ଦେଇ ଚାଲିଗଲା । କିନ୍ତୁ ଯୁବକଙ୍କ ଆୟୁଷ ପୂରି ନଥିବା କାରଣରୁ ସେ ବଞ୍ଚିଗଲେ ।