ହାତୀ ଆକ୍ରମଣରେ ଯୁବକ ମୃତ

ଢେଙ୍କାନାଳ: ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳ ବାଲିମୀ ଥାନା ଖଜୁରିଆକଟା ସେକ୍ସନ ନୂଆ ଗ୍ରାମରେ ହାତୀ ଆକ୍ରମଣରେ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ଜଣକ ହେଲେ ନୂଆ ଗ୍ରାମର ଶ୍ରୀଧର ସାମଲ(୩୨) । ଶ୍ରୀଧର ଶୁକ୍ରବାର ସକାଳେ କାଜୁ ତୋଳିବାକୁ କାଜୁ ବଗିଚାକୁ ଯାଇଥିବା ସମୟରେ ହାତୀ ଆକ୍ରମଣର ଶିକାର ହୋଇଥିଲେ । ଶ୍ରୀଧର ଜଣେ ଭିନ୍ନକ୍ଷମ ବ୍ୟକ୍ତି ଥିଲେ । ସେ କଥା କହିପାରନ୍ତି ନାହଁ କି ଶୁଣିପାରନ୍ତି ନାହିଁ । ଘଟଣାସ୍ଥଳରେ ବନ ବିଭାଗ ଟିମ୍ ପହଞ୍ଚି ତଦନ୍ତ ଜାରି ରଖିଥିବା ଜଣାପଡ଼ିଛି ।