ପୋଖରୀରେ ବୁଡି ଯୁବକ ମୃତ

ଯାଜପୁର: ଯାଜପୁର ଜିଲ୍ଲା କୋରେଇ ବ୍ଳକ ସାଦକପୁର ପଂଚାୟତ ସୁବେଦାର ମହଲ୍ଲୀ ସହିବସ୍ତିରେ ଏକ ଅଭାବନୀୟ ଘଟଣା ଘଟିଯାଇଛି।ପୋଖରୀରେ ବୁଡି ଯୁବକ ମୃତ୍ୟୁ। ମୃତ୍ୟୁ ଯୁବକ ମଙ୍ଗୁଲୁ ମୁଣ୍ଡା ହୋଇଥିବାବେଳେ ତାଙ୍କ ଘର ପାଣିକୋଇଲି ଥାନା ବେଙ୍ଗସାହି ଅଂଚଳରେ ବୋଲି ଜଣାପଡିଛି । ସୂଚନା ମୁତାବକ କୌଣସି ଏକ କାମରେ ମଙ୍ଗୁଲୁ ପୋଖରୀ ବାଟ ଦେଇ ଯାଉଥିବା ସମୟରେ ଗୋଡ଼ ଖସିଯାଇ ପୋଖରୀରେ ପଡି ଯାଇଥିଲେ। ତେବେ ସ୍ଥାନୀୟ ଲୋକ ଉଦ୍ଧାର କରିବାକୁ ଲାଗିଥିଲେବି ଉଦ୍ଧାର କରି ପାରିନଥିଲେ। ଶେଷରେ ଅଗ୍ନିଶମ ବିଭାଗକୁ ଖବର ଦେବାପରେ ଅଗ୍ନୀସମ କର୍ମଚାରୀ ଦୀର୍ଘ ସମୟ ଚେଷ୍ଟା କରି ମଧ୍ୟ ମୃତ ଯୁବକର ଠିକଣା ପାଇପାରି ନଥିଲେ। ଶେଷରେ ସ୍ଥାନୀୟ ଲୋକ ଜିଲ୍ଲାପାଳଙ୍କୁ ସୂଚନା ଦେଇଥିଲେ ତେବେ ଜିଲ୍ଲାପାଳଙ୍କ ନିର୍ଦେଶ ପରେ କଳିଙ୍ଗନଗରର ୩ର୍ଡ ଆଇ.ଆର.ବି.ଏନ ବାଟେଲିୟନର ଓଡ୍ରାଫର ୧୫ ଜଣିଆ ଟିମ ଆସି ଦୀର୍ଘ ୨ଘଣ୍ଟା ଖୋଜା ଖୋଜି କରି ମୃତ ଯୁବକ ମଙ୍ଗୁଲୁ ମୁଣ୍ଡାର ମୃତ ଦେହ ପାଇଥିଲେ। ତେବେ ଘଟଣା ସ୍ଥଳରେ କୋରେଇ ପୋଲିସ ପହଂଚି ମୃତ ମଙ୍ଗୁଲୁକୁ ବ୍ୟବଚ୍ଛେଦ ପାଇଁ ପଠାଇ ମୃତର କାରଣ ସମ୍ପର୍କରେ ତଦନ୍ତ ଜାରି ରଖିଛି ।