ସତ ହେବ କି ମାଳିକା ବଚନ? ଘଟିବ ବଡ ଅଘଟଣ……..

ନୂଆଦିଲ୍ଲୀ: ହିନ୍ଦୁ ଧର୍ମ ଏବଂ ପରମ୍ପରାରେ ଅନେକ ପୁରାଣ ଶାସ୍ତ୍ର ରହିଛି । ଯାହାକୁ ଆଧାର କରି ଆମେ ଏ ସଂସାର ଏବଂ ଏ ସୃଷ୍ଟି ବିଷୟରେ ଅନେକ କଥା ଜାଣିଥାନ୍ତି । ତେବେ ଏହି ପୁରାଣ ଶାସ୍ତ୍ର ମଧ୍ୟରେ ଗୋଟିଏ ହେଉଛି ମାଳିକା । ଯେଉଁଥିରେ ସମଗ୍ର ପୃଥିବୀରେ ଆଗକୁ ହେବାକୁ ଥିବା ଅନେକ ଘଟଣା ଦୁର୍ଘଟଣା ବିଷୟରେ ଭବିଷ୍ୟବାଣୀ ଉଲ୍ଲେଖ ଅଛି । ଯାହାର ଭବିଷ୍ୟବାଣୀ ଶ୍ରୀ ଅଚ୍ୟୁତାନନ୍ଦ କରିଛନ୍ତି । ଏଥିସହିତ ଏହି ଭବିଷ୍ୟବାଣୀଗୁଡିକ ଧିରେ ଧିରେ ସତ ମଧ୍ୟ ପ୍ରମାଣିତ ହେଉଛି । ତେବେ ଏହି ମାଳିକାରେ ରାଜ୍ୟର ପୁରାତନ ସହର କଟକକୁ ନେଇ ମଧ୍ୟ ଏକ ଭବିଷ୍ୟବାଣୀ ହୋଇଛି । ଯାହାକୁ ଜାଣିଲେ ଆପଣମାନେ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ତେବେ ମାଳିକାରେ କଟକକୁ ନେଇ କଣ ଭବିଷ୍ୟବାଣୀ ହୋଇଛି ଆସନ୍ତୁ ଜାଣିବା ।

ଓଡିଶାର ମୁଖ୍ୟ ବ୍ୟବସାୟ ସ୍ଥଳୀ କଟକ ସହରକୁ ନେଇ ମାଳିକାରେ ଏକ ବଡ ଘଟଣା ସାମ୍ନାକୁ ଆସିଛି । କଟକରେ ଆଗକୁ କଳ ଲୀଳା କରିବେ । କଳିଯୁଗ ଶେଷ ସମୟରେ କଟକରେ ନୂଆ ରେଳ ରାସ୍ତା ତିଆରି ହେବ । ଆଉ ରେଳ ରାସ୍ତା କାମ କେଉଁଠାରୁ ଆରମ୍ଭ ହେବ ତାହା ବି ମାଳିକାରେ କୁହାଯାଇଛି । ତେବେ କଟକର ସବୁଠାରୁ ବଡ ନଦୀ ମହାନଦୀରେ ଯେତେବେଳେ ନୂଆ ରେଳ ରାସ୍ତା ହେବ ତାହା କଳିଯୁଗର ଅନ୍ତ ସମୟ ବୋଲି ମାଳିକାରେ କୁହାଯାଇଛି । ଏହାପରେ କଟକରେ ହିଂସା ଆରମ୍ଭ ହେବ ଏବଂ ଦିନରେ ଆକାଶରୁ ଉଲ୍କା ପଡିବ । ମାଳିକାରେ ଅଚ୍ୟୁତାନନ୍ଦ ଦାସ ଆହୁରୀ ମଧ୍ୟ କହିଛନ୍ତି ଯେ, ରାଣିହାଟଠାରୁ ତୁଳଶୀପୁର ପର୍ଯ୍ୟନ୍ତ ରକ୍ତର ନଦୀ ବୋହିବ । ଏଥିସହିତ କଟକର ଚାନ୍ଦୀନି ଚୌକର ଏକ ସ୍ଥାନରେ ହିନ୍ଦୁ ମୁସଲମାନଙ୍କ ଭିତରେ ଯୁଦ୍ଧ ଆରମ୍ଭ ହେବ । ଆଉ ଏହି ଘଟଣା ମଙ୍ଗଳବାରେ ଘଟିବ ବୋଲି ମଧ୍ୟ ମାଳିକାରେ ଉଲ୍ଲେଖ ରହିଛି । ସେହି ସମୟରେ ହନୁମାନ ଗର୍ଜନ କରି ଉଠିବା ସହ କଟକରେ ମହାସମର ଲାଗିବ ।

ଏତତ୍ ବ୍ୟତୀତ ମହାପୁରୁଷ କହିଲେ ପଶ୍ଚିମ ଦିଗରୁ ସୈନ ଆସି କଟକରେ ପ୍ରବେଶ କରିବେ । ଆଉ ସେହି ଦିନ କିଛି ଛଦ୍ମବେଶୀ ମୁସଲମାନ ସୈନ କଟକରେ ପ୍ରବେଶ କରିବେ । ପ୍ରଥମେ ସେମାନେ ହଣାକଟା ଆରମ୍ଭ କରିବେ । ଆଉ ସେହି ସମୟରେ ହନୁମାନ ଗର୍ଜନ କରି ଉଠିବେ । ତେବେ ମାଳିକା ଶାସ୍ତ୍ର ଅନୁଯାୟୀ କଟକର ବଳଦା ଶାସନରେ ପ୍ରଭୁ ହନୁମାନ ଜନ୍ମ ନେଇ ସାରିଛନ୍ତି । ଭକ୍ତମାନେ ସେଠାରେ ମହାସଂଗ୍ରାମ ଦେଖିବେ । ତେବେ ୨୦୨୬ ମସିହାରେ ଏହି ଘଟଣା ଘଟିବ ବୋଲି ମହାପୁରୁଷ କହିଛନ୍ତି । କେବଳ କଟକ ନୁହେଁ ଏ ଯୁଦ୍ଧ ଭୁବନେଶ୍ୱର ପର୍ଯ୍ୟନ୍ତ ମଧ୍ୟ ବ୍ୟାପିବ । ଏହି ଯୁଦ୍ଧ ୩ ପକ୍ଷ ଏବଂ ୩ ମାସ ଚାଲିବ । ଯାହାର ଅର୍ଥ ହେଉଛି ୩ ପକ୍ଷ କହିଲେ ୪୫ ଦିନ ଏବଂ ତିନି ମାସର ଅର୍ଥ ୯୦ ଦିନ । ତେବେ ଏହି ଯୁଦ୍ଧ ସର୍ବମୋଟରେ ୧୩୫ ଦିନ ଚାଲିବ ବୋଲି କୁହାଯାଇଛି ।