ବିପଦ ମୁଁହରୁ ଅଳ୍ପକେ ବର୍ତ୍ତୀଲେ ଇଣ୍ଡିଗୋର ଦୁଇ ବିମାନ

ନୂଆଦିଲ୍ଲୀ: ଗତ ନଭେମ୍ବର ୧୭ ତାରିଖରେ ଇଣ୍ଡିଗୋର ଦୁଇଟି ବିମାନ ଦିଲ୍ଲୀ ବିମାନବନ୍ଦରରୁ ଉଡ଼ାଣ ଭରିବାର କିଛି ସେକେଣ୍ଡ ପରେ ବିପଜ୍ଜନକଭାବେ ପରସ୍ପରର ନିକଟତର ହୋଇଥିଲେ। ଏହାର ତଦନ୍ତ କରୁଥିବା ଏୟାରକ୍ରାଫ୍ଟ ଆକ୍ସିଡେଣ୍ଟ ଇନଭେଷ୍ଟିଗେସନ ବ୍ୟୁରୋ (ଏଏଆଇବି)ର ପ୍ରାଥମିକ ରିପୋର୍ଟରେ କୁହାଯାଇଛି ଯେ, ଗୋଟିଏ ବିମାନ ଭୁଲ୍ ଦିଗକୁ ମୁହାଁଇବାରୁ ଏହି ପରିସ୍ଥିତି ସୃଷ୍ଟି ହୋଇଥିଲା, ଯାହା ହେବା କଥା ନୁହେଁ। ଏହାଦ୍ୱାରା ଏହା ଅନ୍ୟ ଏକ ଆଇଜିଆଇଏ ରନୱେରୁ ଉଡ଼ାଣ ଆରମ୍ଭ କରିଥିବା ଅନ୍ୟ ଏକ ବିମାନର ଉଡ଼ାଣ ପଥକୁ ଆସିଯାଇଥିଲା। ଉଭୟ ଫ୍ଲାଇଟ୍ ଡେକ୍‌ରେ ଟ୍ରାଫିକ୍ ଆଲର୍ଟ ଆଣ୍ଡ୍ କଲିଜନ୍ ଆଭାଇଡେନ୍ସ ସିଷ୍ଟମ୍ (ଟିସିଏଏସ୍) ଆଲର୍ଟ ଜାରି କରାଯିବା ପରେ ବିମାନଗୁଡ଼ିକ ପରସ୍ପରଠାରୁ ଦୂରେଇ ଯାଇଥିଲେ ଓ ଏକ ବଡ଼ ଦୁର୍ଘଟଣାରୁ ରକ୍ଷା ମିଳିଥିଲା ବୋଲି କୁହାଯାଇଛି।