ମୁମ୍ବାଇ : ବଲିଉଡରେ ଡ୍ରଗ୍ସ ମାମଲା ବର୍ତ୍ତମାନ ପର୍ଯ୍ୟନ୍ତ ଥମି ନାହିଁ । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି)ର ଏହାର ତଦନ୍ତ ଜାରି ରହିଛି। ଏହି ପରିପ୍ରେକ୍ଷୀରେ ଶୁକ୍ରବାର ଏନସିବି ଟିଭି ଅଭିନେତା ଗୌରବ ଦୀକ୍ଷିତଙ୍କୁ ଗିରଫ କରିଛି। ତଦନ୍ତକାରୀ ସଂସ୍ଥା ତାଙ୍କ ଘରୁ ଏମ୍ଡି ଡ୍ରଗ୍ସ ଏବଂ ଗଞ୍ଜେଇ ଜବତ କରିଛି। ଅଭିନେତା ଏଜାଜ ଖାନଙ୍କୁ ପଚରାଉଚରା ଆଧାରରେ ଗୌରବଙ୍କୁ ଗିରଫ କରାଯାଇଥିବା ଜଣାପଡିଛି ।
ସୂଚନା ଯେ, ଏନସିବି ରିପୋର୍ଟ କରିଛି ଯେ ଗୌରବ ଦୀକ୍ଷିତଙ୍କୁ ଗିରଫ କରାଯାଇଛି। ତାଙ୍କ ଘରେ ଚଢାଉ ସମୟରେ ଡ୍ରଗ୍ସ ଏବଂ ଗଞ୍ଜେଇ ମିଳିଛି। ଅଭିନେତା ଏଜାଜ ଖାନଙ୍କୁ ଗିରଫ କରିବା ପରେ ତାଙ୍କୁ ପଚରାଉଚରା ସମୟରେ ଗୌରବଙ୍କ ନାମ ସାମ୍ନାକୁ ଆସିଥିଲା । ଗତ ମାର୍ଚ୍ଚ ୩୧ ରେ ଏଜାଜ ଖାନ ମୁମ୍ବାଇ ବିମାନବନ୍ଦରରୁ ଧରାପଡିଥିଲେ। ଏଜାଜଙ୍କ ବିଷୟରେ ଅନ୍ଧେରି ଏବଂ ଲୋଖଣ୍ଡୱାଲାର ଅନେକ ସ୍ଥାନରେ ଏନସିବି ସର୍ଚ୍ଚ ଅପରେସନ କରିଥିଲା। ଡ୍ରଗ୍ସ ବେପାରୀ ଶାଦବ ବାଟାଟାଙ୍କୁ ପଚରାଉଚରା ବେଳେ ଏଜାଜଙ୍କ ନାମ ସାମ୍ନାକୁ ଆସିଥିଲା ।
