ଅହମ୍ମଦାବାଦ: ଗୁଜରାଟ ରେଳବାଇ ସୁରକ୍ଷା ବଳ (ଆରପିଏଫ୍) ଏକ ଆନ୍ତଃରାଜ୍ୟ ଟ୍ରେନ୍ ଟିକଟ ର୍ୟାକେଟକୁ ଠାବ କରିବା ସହ ଏହାର ୬ ଜଣ ସଦସ୍ୟଙ୍କୁ ଗୁରୁବାର ରାଜକୋଟରୁ ଗିରଫ କରିଛି । ସେମାନଙ୍କଠାରୁ ବିକ୍ରି ହୋଇନଥିବା ୧୬୮୮ ଟ୍ରେନ ଟିକଟ ଓ ନଗଦ ୪୩.୪୨ ଲକ୍ଷ ଟଙ୍କା ଜବତ କରାଯାଇଛି ।
ଅଭିଯୁକ୍ତମାନେ ବେଆଇନ ସଫ୍ଟୱେୟାର ଜରିଆରେ ଆଇଆରସିଟିସି ୱେବ୍ସାଇଟ୍ରୁ କନ୍ଫର୍ମଡ୍ ଟିକଟ ବୁକିଂ କରି ଗ୍ରାହକଙ୍କୁ ଚଢା ମୂଲ୍ୟରେ ବିକ୍ରି କରୁଥିବା ତଦନ୍ତରୁ ଜଣାପଡିଛି । ଗିରଫ ଅଭିଯୁକ୍ତଙ୍କ ମଧ୍ୟରେ ଦୁଇଜଣ ସଫ୍ଟୱେୟାର ଇଂଜିନିୟର ରହିଥିବା କୁହାଯାଇଛି।