ଆଠଗଡ଼: କୋଇଲା ଟ୍ରେନ୍ରେ ଲାଗିଲା ନିଆଁ। ୱାଗନ୍ରେ ଜଳିଲା କୋଇଲା। ଉଠିଲା କଳା ଧୂଆଁ। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ଜଣାପଡିଛି। ଏଭଳି ଅଘଟଣ ଆଠଗଡ଼ ବ୍ଲକ ଅନ୍ତର୍ଗତ ରାଧାକିଶୋରପୁର ରେଳ ଷ୍ଟେସନ ନିକଟରେ ଘଟିଥିବା ସୂଚନା ମିଳିଛି।
ସୂଚନା ମୁତାବିକ, ରବିବାର ପ୍ରାୟ ରାତି ୩ଟା ସମୟ ରାଧାକିଶୋରପୁର ରେଳ ଷ୍ଟେସନ ନିକଟରେ ଥିବା ଏକ କୋଇଲା ବୋଝେଇ ୱାଗନ୍ରେ ଏକ ଡବାରେ ନିଆଁ ଲାଗିଥିଲା। ଏହା ସୂଚନା ଆଠଗଡ଼ ଅଗ୍ନିଶମ ବାହିନୀକୁ ଦିଆଯାଇଥିଲା । ଘଟଣା ସ୍ଥଳରେ ଅଗ୍ନିଶମ ଟିମ୍ ପହଞ୍ଚି ନିଆଁକୁ ଆୟତ୍ତ କରିଥିଲେ। ଶନିବାର ସନ୍ଧ୍ୟାରୁ କୋଇଲା ବୋଝେଇ ଟ୍ରେନଟି ରାଧାକିଶୋରପୁର ଷ୍ଟେସନ ଠାରେ ଠିଆ ହୋଇ ରହିବା ଜଣାପଡିଛି।
