୪୨ ଡିଗ୍ରୀ ତାପମାତ୍ରା ସହ ମାଲକାନଗିରି ସର୍ବାଧିକ ଉତ୍ତପ୍ତ ସହର

ଭୁବନେଶ୍ୱର: ଆଜି ତାତିରୁ ସାମାନ୍ୟ ତ୍ରାହି ମିଳିଛି । ୯ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି । ୪୨ ଡିଗ୍ରୀ ତାପମାତ୍ରା ସହ ମାଲକାନଗିରି ଆଜି ସର୍ବାଧିକ ଉତ୍ତପ୍ତ ସହର ହୋଇଛି । ସମ୍ବଲପୁରରେ ଆଜି ତାପମାତ୍ରା ୪୧.୬ ଡିଗ୍ରୀ ରହିଥିବା ବେଳେ ତାଳଚେରର ୪୧.୫, ଟିଟିଲାଗଡ ୪୧.୨, ସୁନ୍ଦରଗଡ ଓ ଝାରସୁଗୁଡାରେ ୪୧, ଭବାନୀପାଟଣା ଓ ହୀରାକୁଦରେ ୪୦.୫, ବାରିପଦାରେ ୪୦, ଭୁବନେଶ୍ୱରରେ ୩୮.୨ ଓ କଟକରେ ୩୭.୪ ଡିଗ୍ରୀ ତାପମାତ୍ରା ରହିଛି । ଗତ କିଛି ଦିନ ଧରି ରାଜ୍ୟରେ ତାପମାତ୍ରା ବଢୁଥିବା ବେଳେ ଦୁଇ ଦିନ ପୂର୍ବରୁ ଭୁବନେଶ୍ୱର ୪୪.୨ ଡିଗ୍ରୀ ତାପମାତ୍ରା ସହ ଉତ୍ତପ୍ତ ସହର ପାଲିଟଥିଲା । ଆଜି ତାତି ସାମାନ୍ୟ କମିଥିଲେ ବି, ଗ୍ରୀଷ୍ମପ୍ରବାହ ଜାରି ରହିଛି ।