ଆଜି ୬ ଘଣ୍ଟିଆ ଯଶୀପୁର ବନ୍ଦ, ଗାଡ଼ି ଚଳାଚଳ ଠପ

ମୟୁରଭଞ୍ଜ : ଆଜି ୬ ଘଣ୍ଟିଆ ଯଶୀପୁର ବନ୍ଦ । ବିଜେପି ପକ୍ଷରୁ ଏହି ବନ୍ଦ ଡାକରା ଦିଆଯାଇଛି । ରାସ୍ତା ଅବରୋଧ ଯୋଗୁଁ ଉଭୟ ପାଶ୍ୱରେ ଶହ ଶହ ଗାଡି ଅଟକି ରହିଥିବା ବେଳେ ସହରର ବିଭିନ୍ନ ଦୋକାନ ବଜାର ମଧ୍ୟ ବନ୍ଦ ରହିଛି । ମୟୁରଭଞ୍ଜ ଜିଲ୍ଲାର ଯଶୀପୁରର ମୁଖ୍ୟ ବଜାର ରାସ୍ତାର ସ୍ଥାୟୀ ପ୍ରତିକାର ଓ ଯଥାଶୀଘ୍ର ଜମି ଅଧିଗ୍ରହଣ କରି ବାଇପାସ ନିର୍ମାଣ ସମ୍ପୂର୍ଣ୍ଣ କରିବା ଦାବିରେ ଜାତୀୟ ରାଜପଥ ୪୯ ଯଶିପୁର ନିକଟରେ ରାସ୍ତା ଅବରୋଧ ହେଇଛି । ଆଜି ସକାଳ ୬ଘଟିକାରୁ ମଧ୍ୟାହ୍ନ ୧୨ଘଟିକା ପର୍ଯ୍ୟନ୍ତ ଭାରତୀୟ ଜନତା ପାର୍ଟି ପକ୍ଷରୁ ଯଶିପୁର ବନ୍ଦ ଡାକରା ଦିଆ ହେଇଛି । ରାସ୍ତା ଅବରୋଧ ଯୋଗୁଁ ଉଭୟ ପାଶ୍ୱରେ ଶହ ଶହ ଗାଡି ଅଟକି ଯାଇଛି ରାସ୍ତା ଅବରୋଧ ସହିତ ବିଭିନ୍ନ ଦୋକାନ ମଧ୍ୟ ବନ୍ଦ ରହିଛି । ଗତକାଲି ଯଶିପୁର ବଜାରରେ ଜେଏମଏମ ଦଳ ପକ୍ଷରୁ ଜାତୀୟ ରାଜପଥ ୪୯ କିଛି ଘଣ୍ଟା ପାଇଁ ରାସ୍ତା ଅବରୋଧ ହେଇଥିଲା । ଦୁଇ ଦିନ ହେଲାଣି ରାସ୍ତା ଅବରୋଧ ହେଇ ଥିବାରୁ ଲୋକମାନେ ନାହିଁ ନଥିବାର ହଇରାଣ ହେଉଛନ୍ତି।