ଢେଙ୍କାନାଳ : କାମାକ୍ଷାନଗରରେ ଆତଙ୍କ ଖେଳାଇଛି ଗୋଠଛଡା ଦନ୍ତା । ରାଜକୁଳା କାଟେଣୀ ଗାଁରେ ପଶି ଆତଙ୍କ ଖେଳାଇଛି ଦନ୍ତା ହାତୀ । ହାତୀକୁ ଘଉଡାଇବାରୁ ଏନଏଚ ୫୩ରେ ପ୍ରାୟ ୧ ଘଣ୍ଟା ଧରି ବୁଲିଛି ହାତୀ । ଏନଏଚରେ ହାତୀ ଥିବାରୁ ଆଖପାଖ ଗାଁରେ ୩ ଘଣ୍ଟା ବିଦ୍ୟୁତ କାଟ ହୋଇଛି । ୬ ଫୁଟ ଉଚ୍ଚ ବ୍ୟାରିକେଡ ଡେଇଁ ହାତୀ କନ୍ଦରସିଙ୍ଗା ଗାଁ ମୁହାଁ ହୋଇଥିବା ସୂଚନା ମଳିଛି । ସ୍ଥାନୀୟ ଅଞ୍ଚଳରେ ଦନ୍ତା ହାତୀକୁ ନେଇ ଭୟର ବାତାବରଣ ଖେଳିଯାଇଛି । ହାତୀ ଘଉଡାଇବାକୁ ବନବିଭାଗର ଉଦ୍ୟମ ଜାରି ରହିଛି ।
