ନୂଆଦିଲ୍ଲୀ : ଗତ କିଛି ସପ୍ତାହ ଧରି ସୋସିଆଲ ମିଡିଆରେ ଏକ ଗୁଜବ ଭାଇରାଲ ହେବାରେ ଲାଗିଛି। ଯେଉଁଥିରେ କପିଲ ଶର୍ମାଙ୍କ ଶୋ’ ଶୀଘ୍ର ବନ୍ଦ ହୋଇପାରେ ବୋଲି କୁହାଯାଉଛି। ସୋନି ତାର ନୂଆ କମେଡି ଶୋ’ ଘୋଷଣା କଲା ପରଠାରୁ ଏହି ଖବର ଅଧିକ ଭାଇରାଲ୍ ହେଉଛି। ଏହି କମେଡି ଶୋ’ର ନାମ ଇଣ୍ଡିଆ ଲାପ୍ଟର୍ ଚାମ୍ପିୟନ୍ ରଖାଯାଇଛି। ଏହି ଶୋ ଦୀର୍ଘ ସମୟ ପରେ ପୁଣି ଥରେ ସୋନି ଟିଭିକୁ ଫେରୁଛି। ଏହାପୂର୍ବରୁ, ଏହି ଶୋ’ର ପାଞ୍ଚଟି ସିଜିନ୍ ଆସି ସାରିଛି। ଯାହାକୁ ଦର୍ଶକଙ୍କ ଖୁବ୍ ଭଲପାଇବା ମିଳିଛି। ତେଣୁ ଲେକାମାନେ ଅନୁମାନ କରୁଛନ୍ତି ଯେ ଏହି ଶୋ’ରେ ପୁଣି ଥରେ ନବଜୋତ ସିଂହ ସିଦ୍ଧୁଙ୍କ ଠକୋ ତାଳି ଶୁଣିବାକୁ ମିଳିବ।
ନବଜୋତ ସିଂହ ସିଦ୍ଧୁ ରାଜନୀତି ଦୁନିଆରେ ବେଶ ସକ୍ରିୟ। କମେଡି ଶୋ’ରେ ମଧ୍ୟ ତାଙ୍କର ଖୁବ୍ ଜଲୱା ଦେଖିବାକୁ ମିଳୁଥିଲା। କିନ୍ତୁ ଏକ ବିବାଦ ପରେ ନବଜୋତ ସିଂହ କମେଡି ଶୋ ’ରୁ ଆଉଟ୍ ହୋଇଯାଇଥିଲେ, ସେତେବେଳେ ତାଙ୍କ ପ୍ରଶଂସକମାନେ ବହୁତ ରାଗି ଯାଇଥିଲେ। ଏବେ ନୂଆ ଶୋ’ର ପ୍ରୋମୋ ଦେଖି ପୁଣି ଥରେ ତାଙ୍କ ଫେରିବା ଅନୁମାନ କରାଯାଉଛି।
