ବୁଗୁଡ଼ା : ବୁଗୁଡ଼ା ଥାନା ଭାମାଶିଆଳି ପଞ୍ଚାୟତ ଅନ୍ତର୍ଗତ ଶତ୍ରୁସୋଲ ଗ୍ରାମରେ ବଡ଼ ଭାଇର ଫାର୍ସା ଚୋଟରେ ସାନଭାଇ ମୃତ୍ୟୁ ଘଟଣାରେ ପୁଲିସ ଜଣେ ସହଯୋଗୀଙ୍କ ସମେତ ୨ ଜଣଙ୍କୁ ଅଟକ ରଖିଥିବା ଜଣାପଡ଼ିଛି । ଅଟକ ୨ ଜଣ ହେଲେ ବଡ଼ ଭାଇ ମନୋଜ ନାୟକ ଓ ସହଯୋଗୀ ବସୁ ସ୍ୱାଇଁ । ଗତ କାଲି ସନ୍ଧ୍ୟା ପ୍ରାୟ ୫ଟା ସମୟରେ ମଦ ବେପାରକୁ କେନ୍ଦ୍ରକରି ଦୁଇ ଭାଇ ମଧ୍ୟରେ ଗଣ୍ଡଗୋଳ ଘଟିଥିଲା । ଏଥିରେ ଉତ୍କ୍ଷିପ୍ତ ହୋଇ ମନୋଜ ନାୟକ ଏକ ଫାରସାରେ କାମରଜୁକୁ ଚୋଟ ପରେ ଚୋଟ ପକାଇଥିଲେ ।
ଆକ୍ରମଣରେ କାମରାଜୁ ଗୁରୁତର ହୋଇ ପଡ଼ିଥିଲେ । ତାଙ୍କୁ ମୁମୁର୍ଷୁ ଅବସ୍ଥାରେ ପୋଲସରା ମେଡିକାଲକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ବୁଗୁଡ଼ା ପୁଲିସ ଘଟଣା ସ୍ଥଳରେ ପହଞ୍ôଚ ଶବକୁ ଜବତ କରି ବ୍ରହ୍ମପୁରକୁ ପଠାଇଛି । ଘଟଣାର ତଦନ୍ତ କରିବା ସହ ଥାନାରେ ଏକ ମାମଲା ରୁଜୁ ହୋଇଛି । ଜଙ୍ଗଲ ଭିତରେ ଲୁଚି ରହିଥିବା ଅଭିଯୁକ୍ତ ମନୋଜ ନାୟକ ଓ ବସୁ ସ୍ୱାଇଁଙ୍କୁ ପୁଲିସ ଧରି ଥାନାରେ ଅଟକ ରଖିଥିବା ଜଣାପଡିଛି ।
