ଟାଙ୍ଗିଆରେ ଦୁଇ ଜଣଙ୍କୁ ହାଣିଲେ ଯୁବକ

ଭଦ୍ରକ : ଭଦ୍ରକ ଜିଲ୍ଲା ଚାନ୍ଦବାଲି ଥାନା ନାଲଗୁଣ୍ଡା-ପଳାସପୁର ଗାଁରେ ଘଟିଛ ଅଭାବନୀୟ ଘଟଣା। ଟାଙ୍ଗିଆରେ ହାଣି ୨ଜଣଙ୍କୁ କଲେ ଲହୁଲୁହାଣ କଲେ ଯୁବକ । ସଂପୃକ୍ତ ଯୁବକଜଣକ ହେଲେ ବାସୁଦେବପୁର ଅଞ୍ଚଳର ଭୀମସେନ ନାୟକ । ତାଙ୍କ ମାନସିକ ସ୍ଥିତି ଠିକ୍‌ ରହୁ ନ ଥିବା ଜଣାଯାଇଛି। କୌଣସି କଥାକୁ ନେଇ ଭୀମସେନ ଉତ୍ତ୍ୟକ୍ତ ହୋଇ ଯାଇଥିବା ବେଳେ ଗତକାଲି ଘଟାଇଲେ ତାଣ୍ଡବ ଗତକାଲି ରାତିରେ ପ୍ରାୟ ୨ଟାରେ ସେ ଟାଙ୍ଗିଆ ଧରି ଆତଙ୍କ ଖେଳାଇଥିଲେ। ଯିଏ ସାମନାକୁ ଆସୁଥିଲେ ତାକୁ ହାଣିବାକୁ ଗୋଡ଼ାଉଥିଲେ । ତାଙ୍କୁ କାବୁ କରିବାକୁ ଯାଇ ୨ଜଣଙ୍କ ଶରୀରରେ ଟାଙ୍ଗିଆ ଚୋଟ ବାଜିଛି। ଖବର ପାଇ ପୁଲିସ୍‌ ଗାଡ଼ି ପହଞ୍ଚିଥିବା ବେଳେ ଆହତଙ୍କୁ ହସ୍ପିଟାଲ ନେବାକୁ ଆମ୍ବୁଲାନ୍ସ ବି ଆସି ପହଞ୍ଚିଥିଲା। ଏହାଦେଖି ଉତ୍ତ୍ୟକ୍ତ ହୋଇ ଯାଇଥିବା ଭୀମସେନ ଆମ୍ବୁଲାନ୍ସ ଓ ପୁଲିସ୍‌ ଗାଡ଼ି କାଚ ଭଙ୍ଗାରୁଜା କରିଥିଲେ । ବହୁ କଷ୍ଟରେ ପୁଲିସ୍‌ ଭୀମସେନଙ୍କୁ କାବୁ କରି ଥାନାକୁ ନେଇଛି। ପଚରାଉଚରା ପରେ ସେ ଜଣେ ମାନସିକ ରୋଗୀ ବୋଲି ପୁଲିସ କହିଛି ।