ସ୍ୱାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ

ପାରଳାଖେମୁଣ୍ଡି : ଗଜପତି ଜିଲ୍ଳା କାଶୀନଗର ଥାନା ଅନ୍ତର୍ଗତ ଖାଣ୍ଡବା ପଂଚାୟତର ସାରା ଗ୍ରାମରେ ସ୍ୱାମୀ ନିଜ ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କରିଥିବା ଜଣାପଡିଛି । ଘଟଣାରୁ ପ୍ରକାଶ ଯେ, ସ୍ୱାମୀ ଚନ୍ଦ୍ରଶେଖର କାର୍ଯୀ (୩୬) ଏବଂ ସ୍ତ୍ରୀ ଉର୍ମିଳା କାର୍ଯୀ (୩୦) ଉଭୟ ମିଶି କାଜୁ ତୋଟାକୁ ଯାଇଥିଲେ । କୌଣସି କାରଣରୁ ଉଭୟଙ୍କ ମଧ୍ୟରେ ବଚସା ସୃଷ୍ଟି ହୋଇଥିଲା । ସ୍ୱାମୀ ଚନ୍ଦ୍ରଶେଖର ହଠାତ୍ କ୍ରୋଧାନ୍ୱିତ ହୋଇ ନିଜ ଟାଙ୍ଗିଆରେ ସ୍ତ୍ରୀ ଉର୍ମିଳାଙ୍କ ଗଳା କାଟି ହତ୍ୟା କରିଥିଲେ । ପରେ କଟା ମୁୁଣ୍ଡକୁ ନିଜ ଘରକୁ ନେଇ ବାରଣ୍ଡାରେ ରଖିଥିଲେ । ଏଭଳି ଅମାନୁସିକ ଦୃଶ୍ୟ ଦେଖି ସମ୍ପୃକ୍ତ ଗ୍ରାମ ଓ ଆଖପାଖ ଅଂଚଳରେ ଭୟ ଓ ଆତଙ୍କର ବାତାବରଣ ସୃଷ୍ଟି ହୋଇଥିଲା । ପାରଳାଖେମୁୁଣ୍ଡି ଏସଡିପିଓ ରାମକୃଷ୍ଣ ପତିଙ୍କ ନେତୃତ୍ୱରେ କାଶୀନଗର ଥାନା ଅଧିକାରୀ ସୁଶାନ୍ତ କୁମାର ସାହୁ ଏବଂ ଟିମ୍ ଘଟଣା ସ୍ଥଳରେ କୌଣସି ସମସ୍ତ ଅନୁଧ୍ୟାନ କରିବା ପରେ ହତ୍ୟାକାରୀ ସ୍ୱାମୀ ଚନ୍ଦ୍ରଶେଖରଙ୍କୁ ଗିରପଂ କରିଛନ୍ତି । ଘଟଣାକୁ ନେଇ କାଶୀନଗର ଥାନାରେ ୬୦/୨୩ ନମ୍ୱରରେ ଏକ ମାମଲା ରୁଜୁ କରାଯାଇ ହତ୍ୟା ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ଜଣାପଡିଛି ।