ବେଦିରୁ ବରକୁ ଉଠେଇ ନେଲା ପୁଲିସ

ଭୁବନେଶ୍ୱର: ଦ୍ୱିତୀୟ ବିବାହ କରିବାକୁ ଉଦ୍ୟାମ କରିବା ପଡିଲା ମହଙ୍ଗା । ହାତଗଣ୍ଠି ପଡ଼ିବାକୁ ଯାଉଥିବା ବେଳେ ରାଧାକୃଷ୍ଣ ମନ୍ଦିର ବିବାହ ମଣ୍ଡପରେ ପୁଲିସ ସହ ପହଞ୍ଚିଥିଲେ ପ୍ରଥମ ସ୍ତ୍ରୀ । ତାପରେ ବିବାହ ବେଦୀରୁ ବରକୁ ଉଠାଇନେଲା ଭୁବନେଶ୍ୱର କମିଶନ୍‌ରେଟ୍ ପୁଲିସ୍ । ବିବାହ କରିବାକୁ ଯାଉଥିବା ବ୍ୟକ୍ତି ଜଣଙ୍କ ନାମ ହେଉଛି ଜିତେନ୍ଦ୍ର ସ୍ୱାଇଁ ସେ ପେସାରେ ଜଣେ ଡ୍ରାଇଭର । ଜିତେନ୍ଦ୍ର ୨୦୦୯ ମସିହାରେ ସେ କୋଲକାତା ଯାଇଥିଲେ । ସେଠାରେ ସେ ଅଭିଯୋଗକାରିଣୀ ରମାଙ୍କ ସହିତ ସଂସ୍ପର୍ଶରେ ଆସିଥିଲେ । ପ୍ରଥମ ଦେଖାରେ ତାଙ୍କ ପ୍ରେମରେ ପଡ଼ିଥିଲେ ଜିତେନ୍ଦ୍ର । ସେ ନିଜକୁ ଅନାଥ ବୋଲି କହି ରମାଙ୍କୁ ପ୍ରେମ କରି ବିବାହ କରିଥିବା ରାମ ଅଭିଯୋଗ କରିଛନ୍ତି । ସେଠାରେ ଉଭୟ କୋର୍ଟ ମ୍ୟାରେଜ କରିଥିଲେ । ୨୦୧୯ ମସିହାରେ ରମା ଜାଣିବାକୁ ପାଇଥିଲେ ଜିତେନ୍ଦ୍ରଙ୍କ ତାଙ୍କୁ ମିଛ କହି ବିବାହ କରିଥିଲେ ବୋଲି । ଜତେ ବେଳେ ସେ ତାଙ୍କୁ ତାଙ୍କ ପରିବାର ବିଷୟରେ ପଚାରିଥିଲେ ହେଲେ ଜିତେନ୍ଦ୍ର ସବୁକିଛି ରୋକଠୋକ ମନା କରି କହିଥିଲେ ମୋର ସେହି ନାହାନ୍ତି ମୁଁ ଅନାଥ । ଏହି ଘଟଣାର କିଛି ଦିନ ଯାଇଛି କି ନାହିଁ କାହାକୁ କିଛି ନହି ଜିତେନ୍ଦ୍ର ଭୁବନେଶ୍ୱର ପଳାଇ ଆସିଥିଲେ । ରାମଙ୍କ ଫୋନ ମଧ୍ୟ ଉଠାଉ ନଥିଲେ । ସ୍ୱାମୀଙ୍କୁ ନପାଇ ରମା କୋଲକାତାରେ ଏକ ଥାନାରେ ଲିଖିତ ଅଭିଯୋଗ କରିଥିଲେ । ମାମଲା ଏବେ ଥାନାରୁ ଯାଇ କୋର୍ଟରେ ପହଞ୍ଚିଛି । ହେଲେ ଜିତେନ୍ଦ୍ର ଧରାଛୁଆଁ ଦେଉ ନଥିଲେ । କିଛି ଦିନ ତଳେ ରମା ଜିତେନ୍ଦ୍ରଙ୍କ ଜଣେ ବନ୍ଧୁଙ୍କ ଠାରୁ ଜାଣିବାକୁ ପାଇଲେ ଜିତେନ୍ଦ୍ର ଭୁବନେଶ୍ୱରରେ ଦ୍ୱିତୀୟ ବିବାହ କରିବାକୁ ଯାଉଛନ୍ତି । ତା’ପରେ ସେ କିଛି ସମାଜସେବୀଙ୍କ ସହାୟତାରେ ଭୁବନେଶ୍ୱର ଆସିଥିଲେ । ଆଜି ରାଜଭବନ ପଛ ପାର୍ଶ୍ୱ ରାଧାକୃଷ୍ଣ ମନ୍ଦିରରେ ଭୋଜି ଭାତର ଆୟୋଜନ କରି ବିବାହ କରୁଥିବା ବେଳେ ହଟାତ୍ ବେଦୀରେ ପହଞ୍ଚିଥିଲେ ରମା । ଆଉ କହିଥିଲେ, ଜିତେନ୍ଦ୍ର ମୋର ପ୍ରଥମ ସ୍ୱାମୀ । ସ୍ତବ୍ଧ ହୋଇଯାଇଥିଲେ ସମସ୍ତେ । ଆରୋପ ଓ ପ୍ରତ୍ୟାରୋପ ଚାଲିଲା । କହିବାକୁ ଗଲେ ମୁହାଁମୁହିଁ ପରିସ୍ଥିତି ହୋଇଥିଲା । ଅଟକିଲା ବାହାଘର । ଖବର ପାଇ ଭୁବନେଶ୍ୱର କ୍ୟାପିଟାଲ ଥାନା ପୁଲିସ୍ ବାହା ମଣ୍ଡପରେ ପହଞ୍ଚିଲା । ବେଦୀରୁ ଜିତେନ୍ଦ୍ର, ତାଙ୍କ ପରିବାର ଲୋକ ଓ ପ୍ରଥମ ସ୍ତ୍ରୀ ବୋଲି ଦାବି କରୁଥିବା ମହିଳା ରମାଙ୍କୁ ଥାନାକୁ ନେଇଯାଇଥିଲା । ସେପଟେ ଜିତେନ୍ଦ୍ରଙ୍କ ପ୍ରଥମ ବିବାହକୁ ଖଣ୍ଡନ କରିଛନ୍ତି ପରିବାର ଲୋକେ । ପରିବାର ପକ୍ଷରୁ କୁହାଯାଇଛି, ଜିତେନ୍ଦ୍ର ସେହି ମହିଳାଙ୍କୁ ବିବାହ କରିନାହାନ୍ତି । ସେ ଫେକ୍ ମ୍ୟାରେଜ୍ ସାର୍ଟିଫିକେଟ୍ ଆଣି ବିବାହ ବନ୍ଦ କରିଥିବା ପରିବାର ଲୋକ ଅଭିଯୋଗ କରିଛନ୍ତି । ଏନେଇ ତଦନ୍ତ ଆରମ୍ଭ କରିଦେଇଛି କ୍ୟାପିଟାଲ ଥାନା ପୁଲିସ । ଖବର ପ୍ରସ୍ତୁତ କରିବା ପର୍ଯ୍ୟନ୍ତ ତଦନ୍ତ ସରିବା ପରେ ପ୍ରକୃତ ସତ କଣ ଜଣା ପଡିବ ବୋଲି କହିଛନ୍ତି ଥାନାଧିକାରୀ ।