ଭୁବନେଶ୍ୱର: ମଞ୍ଚେଶ୍ୱର ଥାନା ଅଞ୍ଚଳରେ ଜଣେ ନବମ ଶ୍ରେଣୀ ଛାତ୍ରୀଙ୍କୁ ଅପହଣ ଅଭିଯୋଗରେ ପୁଲିସ ଜଣେ ଯୁବକଙ୍କୁୁ ଗିରଫ କରି କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ ଜଣଙ୍କ ହେଲେ ରାଜେଶ ରାଉତ୍ । ତାଙ୍କ ଘର ଯାଯପୁର ଜିଲା ଧର୍ମଶାଳା ଉତ୍ତରପ୍ରତାପ ଗ୍ରାମରେ । ଟ୍ୟୁସନ ଯାଉଥିଲା ବେଳେ ରାଜେଶ ବଳପୂର୍ବକ ଭାବେ ସମ୍ପୃକ୍ତ ନାବାଳିକାଙ୍କୁ ଅପହରଣ କରିଥିଲେ । ସୂଚନାଯୋଗ୍ୟ ସମ୍ପୃକ୍ତ ନବମ ଶ୍ୟେଣୀ ଛାତ୍ରୀ ଏକ ସରକାରୀ ସ୍କୁଲରେ ପାଠ ପଡନ୍ତି । ତାଙ୍କ ବାପା ଏକ ଘରୋଇ ସଂସ୍ଥାରେ ସୁକ୍ୟୁରିଟି ଗାର୍ଡ ଭାବେ କାମ କରନ୍ତି । ଗତବର୍ଷ ଡିସେମ୍ବର ୨୬ ତାରିଖରେ ପୀଡ଼ିତା ଟିଉସନ ଯାଉଥିଲେ । ଏହି ସମୟରେ ଅଭିଯୁକ୍ତ ତାଙ୍କୁ ରାସ୍ତାର ଅଟକାଇ ତାଙ୍କ ସହିତ ଯିବାକୁ କହିଥିଲେ । ପୀଡିତା ଏନେଇ ଅରାଜି ହେବାରୁ ଅଭିଯୁକ୍ତ ତାଙ୍କୁ ବଳପୂର୍ବକ ଅପହରଣ କରି ତାମିଲନାଡୁ ନେଇ ପଳାଇଥିଲେ । ସେ ଘରକୁ ନ ଫେରିବାରୁ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ପୁଲିସ ଏକ ମାମାଲା ରୁଜୁ କରି ଏହାର ତଦନ୍ତ ଚଳାଇଥିଲା । ପୁଲିସ ତଦନ୍ତରୁ ଜଣାପଡିଥିଲା ଅଭିଯୁକ୍ତ ବହୁଦିନ ଧରି ସମ୍ପୃକ୍ତ ନାବାଳିକାଙ୍କୁ ତାମିଲନାଡୁରେ ରଖିଛନ୍ତି । ଅନ୍ୟପକ୍ଷରେ ନାବାଳିକା ଜଣଙ୍କ ସେଠାରେ କନ୍ଧାକଟା କରିଥିଲେ ।
ନାବାଳିାକାଙ୍କ କାନ୍ଦଶୁଣି ପରିବାର ଲୋକେ ବ୍ୟସ୍ତ ହୋଇ ନାବାଳିକାଙ୍କୁ ତାମିଲନାଡୁରୁ ଉଦ୍ଧାର କରିବାକୁ ଥାନା ଅଧିକାରୀଙ୍କ ପାଖରେ ଗୁହାରି କରିଥିଲେ । ପୁଲିସ ରାଜେଶଙ୍କୁ ଧରିବାକୁ ଜାଲ ବିଛାଇଥିଲା । ସେମାନେ ନାବାଳିକାଙ୍କୁ ନେଇ ଓଡିଶା ଆସିଥିଲେ । ପରେ ପୁଲିସ ନାବାଳିକାଙ୍କୁ ଉଦ୍ଧାର କରିବା ସହ ରାଜେଶଙ୍କୁ ଗିରଫ କରିଥିଲା । ସେହିପରି ଅନ୍ୟ ଏକ ଘଟଣାରେ ଏୟାରପୋର୍ଟ ଥାନା ପୁଲିସ କଲେଜ ଛାତ୍ରୀଙ୍କୁ ଅପହରଣ ଘଟଣାରେ ଜଣେ ଯୁବକଙ୍କୁ ଗିରଫ କରିଛି । ସେ ହେଲେ ଟଙ୍ଗୀବନ୍ତା ଅଞ୍ଚଳର ପ୍ରକାଶ ଭୋଇ । ସୂଚନାଯୋଗ୍ୟ, ୭ ତାରିଖରେ ପୀଡ଼ିତା କଲେଜକୁ ଘରୁ ବାହାରିଥିଲେ । ସମୟ ପ୍ରାୟ ଅପରାହ୍ନ ୩ଟାରେ ଅଭିଯୁକ୍ତ ପ୍ରକାଶ ପୀଡିତା ଙ୍କୁ ଉକ୍ତ କଲେଜ ରୁ ଅପହରଣ କରି ନେଇଯାଇଥିବାରୁ ଅଭିଯୋଗକାରୀ ଏନେଇ ଏୟାରପୋର୍ଟ ଥାନାରେ ଅଭିଯୋଗକରିଥିଲେ । ଅଭିଯୋଗକାରୀଙ୍କ ଅଭିଯୋଗଭିତ୍ତିରେ ପୁଲିସ ମାମଲା ରୁଜୁ କରିବା ସହିତ ତଦନ୍ତ ଆରମ୍ଭ କରିଥିଲେ । ଆଜି ସକାଳୁ ବିଶେଷ ସୂତ୍ରରୁ ଖବର ପାଇଁ ଏୟାରପୋର୍ଟ ଥାନା ପୁଲିସ ଅଭିଯୁକ୍ତ ପ୍ରକାଶଙ୍କ କଟକ ମଧୁପାଟଣା ଥାନା ଅନ୍ତର୍ଗତ କାଜିଡିହରେ ଥିବା ସମ୍ପର୍କୀୟଙ୍କ ଘରେ ଚଢାଉ କରି ଅଭିଯୁକ୍ତକୁ କାବୁ କରିବା ସହିତ ପିଡ଼ିତାଙ୍କୁ ଉଦ୍ଧାର କରିଥିଲେ ।
