ନୂଆଦିଲ୍ଲୀ: ଭାରତୀୟ ରେଲୱେ ପକ୍ଷରୁ ଯାତ୍ରୀମାନଙ୍କୁ ଅନେକ ପ୍ରକାରର ସୁବିଧା ଯୋଗାଇ ଦିଆଯାଉଛି । ସିନିୟର ସିଟିଜେନଙ୍କ ଠାରୁ ଆରମ୍ଭ କରି ମହିଳାଙ୍କୁ ରେଳବାଇ ଦ୍ୱାରା ଅନେକ ବିଶେଷ ସୁବିଧା ଯୋଗାଇ ଦିଆଯାଉଛି । ପ୍ରତିଦିନ ଟ୍ରେନରେ କୋଟି କୋଟି ଲୋକ ଯାତ୍ରା କରୁଛନ୍ତି, କିନ୍ତୁ ବର୍ତ୍ତମାନ ମହିଳାମାନେ ଟ୍ରେନରେ ବିନା ଟିକେଟରେ ଯାତ୍ରା କରିପାରିବେ । ରେଳବାଇ ପକ୍ଷରୁ ମହିଳାଙ୍କ ପାଇଁ ଖାସ ସୁବିଧା ଆରମ୍ଭ କରାଯାଇଛି । ଯେଉଁଥିରେ ଆପଣ ବିନା ଟିକେଟରେ ବି ଟ୍ରେନରେ ଯାତ୍ରା କରିପାରିବେ ।
ଏହାସହିତ ହିଁ କରୋନା ପୂର୍ବରୁ, ରେଳବାଇ ବରିଷ୍ଠ ନାଗରିକମାନଙ୍କୁ ମଧ୍ୟ ଭଡା ମୂଲ୍ୟରେ ରିହାତି ପ୍ରଦାନ କରୁଥିଲା । ରେଲୱେ ନିୟମ ଅନୁଯାୟୀ, ଯଦି ଟ୍ରେନରେ ଯାତ୍ରା କରୁଥିବା ମହିଳାଙ୍କ ପାଖରେ ଟିକେଟ୍ ନଥିବ, ତେବେ ତାଙ୍କୁ ଟ୍ରେନରୁ ଓହ୍ଲାଇ ଦିଆଯାଇପାରିବ ନାହିଁ । ଅନେକ ଥର ଦେଖାଯାଏ ଯେ ମହିଳା ଯାତ୍ରୀଙ୍କୁ ଟ୍ରେନରେ ଶୀଘ୍ର ଯାତ୍ରା କରିବାକୁ ପଡେ, ଯେଉଁଥିପାଇଁ ସେ ଟିକେଟ୍ ନେଇପାରିନଥାନ୍ତି । ଏଭଳି ପରିସ୍ଥିତିରେ ମହିଳାଙ୍କୁ ଟ୍ରେନରୁ ଓହ୍ଲାଇ ଦିଆଯାଇପାରିବ ନାହିଁ । ଏଭଳି ପରିସ୍ଥିତି ପାଇଁ ରେଳବାଇ ଅନେକ ଫ୍ରେଣ୍ଡଲି ନିୟମ ପ୍ରସ୍ତୁତ କରିଛି । ଭାରତୀୟ ରେଳବାଇର ନିୟମ ଅନୁଯାୟୀ, ଯଦି କୌଣସି ମହିଳା କିମ୍ବା ଏକୁଟିଆ ପିଲା ରାତିରେ ବିନା ଟିକେଟରେ ଟ୍ରେନରେ ଯାତ୍ରା କରନ୍ତି, ତେବେ ଟିଟିଇ ତାଙ୍କୁ ଟ୍ରେନରୁ ଓହ୍ଲାଇ ପାରିବ ନାହିଁ । ଏହା କରିବା ପରେ ସମ୍ପୃକ୍ତ ମହିଳା ରେଳ କର୍ତ୍ତୃପକ୍ଷଙ୍କ ନିକଟରେ ସମ୍ପୃକ୍ତ ଟିଟି ବିରୋଧରେ ଅଭିଯୋଗ କରିପାରିବେ ।
ତେବେ ଭାରତୀୟ ରେଳବାଇରେ ମହିଳା ଯାତ୍ରୀମାନଙ୍କୁ ଅନେକ ଅଧିକାର ଦିଆଯାଏ, ଯାହା ଦ୍ୱାରା ଆପଣ ଯାତ୍ରା ସମୟରେ ସମସ୍ୟାର ସମାଧାନ କରିପାରିବେ । ଯାତ୍ରୀ ଫ୍ରେଣ୍ଡଲି ରେଳବାଇର ଅନ୍ୟ ଏକ ନିୟମ ହେଉଛି ଯେ ଟିକେଟ୍ ଯାଞ୍ଚ କରିବା ପାଇଁ ରାତିରେ ଯାତ୍ରୀଙ୍କୁ ଜାଗ୍ରତ କରି ଟିକେଟ୍ ଦେଖାଇବାକୁ ଟିଟି ଦାବି କରିପାରିବ ନାହିଁ । ରେଳବାଇର ନିୟମ ଅନୁଯାୟୀ ଯାତ୍ରୀମାନେ ରାତି ୧୦:୦୦ ରୁ ୬:୦୦ ପର୍ଯ୍ୟନ୍ତ ଆରାମରେ ଶୋଇ ପାରିବେ, କିନ୍ତୁ ରାତିରେ ଟ୍ରେନରେ ଚଢ଼ିଥିବା ଯାତ୍ରୀଙ୍କ ପାଇଁ ଏହି ନିୟମ ଲାଗୁ ହେବ ନାହିଁ । କିନ୍ତୁ ଯଦି ଆପଣ ଟ୍ରେନ ମିସ୍ କରିଦିଅନ୍ତି ତାହେଲେ କାର କିମ୍ବା ବାଇକରେ ଯାଇ ତାର ପରବର୍ତ୍ତୀ ଷ୍ଟପେଜ ପହଁଚିଯିବେ ତ ଟିଟି ଆପଣଙ୍କ ଖାଲି ସିଟ୍ କାହାକୁ ବି ଦେଇପାରିବେନାହିଁ । ଆଉ ଏପରି ଦୁଇଟି ଷ୍ଟେସନ ପର୍ଯ୍ୟନ୍ତ ହୋଇପାରିବ ।
