ଦୁର୍ଘଟଣାରେ ଶିଶୁ ମୃତ

ସାନଖେମୁଣ୍ଡି :  ପାଟପୁର ଥାନା ପଳାସପୁର-ଡେଙ୍ଗାଉସ୍ତା ପୂର୍ତ୍ତ ବିଭାଗ ରାସ୍ତାର ନିର୍ମାଣାଧିନ ନୂଆଗଡ କଲଭର୍ଟ ନିକଟରେ ଦୁର୍ଘଟଣା ଘଟି ଜଣେ ୭ ବର୍ଷର ଶିଶୁପୁତ୍ର ମୃତ୍ୟୁବରଣ କରିଛି । ପାଟପୁର ଥାନା ସିଙ୍ଗିପୁର ଗ୍ରାମର ମନୋଜ ଡାକୁଆ ନିଜ ସ୍ତ୍ରୀ ଓ ପୁଅଙ୍କୁ ବାଇକ୍‌ରେ ନେଇ ମାମୁ ଶ୍ୱଶୁରଙ୍କ ଗାଁ ଗଙ୍ଗାପୁରକୁ ଯାଉଥିଲେ । ବାଇକ୍‌ର ଆଗରେ ପୁଅକୁ ବସାଇଥିବା ବେଳେ ନିର୍ମାଣ ହେଉଥିବା ରାସ୍ତାର ଖାଲଖମାରେ ବାଇକ୍ ଛେଚି ହୋଇ ଶିଶୁ ପୁତ୍ର ଓ ବାପା ତଳେ କଚାଡ଼ି ପଡ଼ିଥିଲେ । ସଙ୍ଗେ ସଙ୍ଗେ ଉଦ୍ଧାର କରାଯାଇ ଉଭୟ ବାପ, ପୁଅଙ୍କୁ ଦିଗପହଣ୍ଡି ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ତେବେ ସେଠାରେ ୭ ବର୍ଷର ଶିଶପୁତ୍ର ଇମାନ୍ ଡାକୁଆକୁ ଡାକ୍ତର ମୃତ ଘୋଷଣା କରିଥିଲେ ।