କଲଭର୍ଟରେ ପିଟି ହୋଇ ଜଳିଗଲା କାର୍‌

ମଧ୍ୟପ୍ରଦେଶ : ମଧ୍ୟପ୍ରଦେଶର ହରଦା ଜିଲ୍ଲାରେ ଏକ ଭୟଙ୍କର ଦୁର୍ଘଟଣା ଘଟିଛି। ଦ୍ରୁତ ଗତିରେ ଯାଉଥିବା ବେଳେ ଏକ କଲଭର୍ଟରେ ପିଟି ହେଲା କାର । ଏହାପରେ କାର୍‌ଟି ହୁତୁହୁତୁ ହୋଇ ଜଳିଥିବା ବେଳେ ତା’ ଭିତରେ ଥିବା ଚାଳକ ବି ଜୀବନ୍ତ ଜଳି ଯାଇଥିଲେ। ମୃତକ ଯୁବକଙ୍କ ନାମ ଅତୁଲ ଓ ତାଙ୍କ ଘର ହରଦାରେ ବୋଲି ଜଣାଯାଇଛି। ଗତକାଲି ରାତି ପ୍ରାୟ ୯ଟା ପରେ ଏହି ଦୁର୍ଘଟଣା ଘଟିଛି। ଗତ ରାତିରେ ଅତୁଲ କାର୍‌ ଯୋଗେ ଦ୍ରୁତ ଗତିରେ ଯାଉଥିଲେ । କାର୍‌ଟି ମଗରଧା ଅଭିମୁଖେ ଯାଉଥିଲା। ମାତ୍ର ବୁନ୍ଦଡା ଗାଁ ନିକଟରେ ଭାରସାମ୍ୟ ହରାଇ ଗାଡ଼ିଟି ଏକ କଲଭର୍ଟରେ ପିଟି ହୋଇ ଯାଇଥିଲା।ଏହାପରେ ଆଖି ପିଛୁଳାକେ କାର୍‌ଟି ହୁତୁହୁତୁ ହୋଇ ଜଳି ଯାଇଥିବା ବେଳେ ତା’ ଭିତରେ ଥିବା ଅତୁଲ ବାହାରି ପାରି ନ ଥିଲେ। ଫଳରେ କାର୍‌ ସହ ସିଏ ବି ଜଳି ଯାଇଥିଲେ। ଖବର ପାଇ ତୁରନ୍ତ ପୁଲିସ୍‌ ଓ ଅଗ୍ନିଶମ କର୍ମଚାରୀ ପହଞ୍ଚିଥିଲେ। ଏହାପରେ କାର୍‌ର ନିଆଁକୁ ଲିଭାଯାଇଥିବା ବେଳେ ତା’ ଭିତରୁ ଅତୁଲଙ୍କ ମୃତଦେହକୁ ବାହାର କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି।