ରାୟଗଡ଼ା: ରାୟଗଡ଼ା ଜିଲ୍ଲା କୋଲନରା ତହସିଲଦାର ଆଜି କରୋନାରେ ଆକ୍ରାନ୍ତ ହୋଇଛନ୍ତି ବୋଲି ସୂଚନା ମିଳିଛି । ଏନେଇ ରାୟଗଡ଼ା ଜିଲ୍ଲାପାଳ ସୂଚନା ଦେଇଛନ୍ତି । ତହସିଲଦାରଙ୍କ ସହ ଆଉ କିଛି ସରକାରୀ କର୍ମଚାରୀ ମଧ୍ୟ ସଂକ୍ରମିତ ହୋଇଛନ୍ତି । ତେଣୁ କରୋନା ଆକ୍ରାନ୍ତ ଚିହ୍ନଟ ହେବା ପରେ କୋଲନର।। ତହସିଲ ଅଫିସକୁ ୭ଦିନ ପାଇଁ ବନ୍ଦ ଘୋଷଣା କରାଯାଇଛି । ଏଥିସହ ପଦ୍ମପୁର ବ୍ଲକ ଓ ମୁଖ୍ୟାଳୟକୁ ୩ଦିନ ପାଇଁ ସଟଡାଉନ ଘୋଷଣା କରାଯାଇଛି । ଥେରୁବାଲି ମାର୍କେଟ ମଧ୍ୟ ୩ଦିନ ପାଇଁ ସଟଡାଉନ ରହିବା ନେଇ ଜିଲ୍ଲାପାଳ ଘୋଷଣା କରିଛନ୍ତି ।
କରୋନା ସାରା ରାଜ୍ୟରେ ତାର କାୟା ବିସ୍ତାର କରିସାରିଛି । ସାଧାରଣ ଲୋକଙ୍କ ଠାରୁ ଆରମ୍ଭ କରି କରୋନା ଯୋଦ୍ଧା କେହି ବାଦ ପନୁ ନାହାନ୍ତି ଏହି ଭୂତାଣୁ ମୁହଁରୁ । ଏବେ ସୁଦ୍ଧା ଜିଲ୍ଲାରୁ ମୋଟ ୨୪୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨ଜଣ ସଂକ୍ରମିତଙ୍କର ମୃତ୍ୟୁ ହୋଇଛି । ୧୩୮ ଜଣ ସୁସ୍ଥ ହୋଇଛନ୍ତି । ୧୦୨ଜଣ ବିଭିନ୍ନ କୋଭିଡ଼ ହସ୍ପିଟାଲରେ ଚିକିତ୍ସିତ ହେଉଛନ୍ତି ।
ତହସିଲଦାର ହେଲେ କରୋନା ଆକ୍ରାନ୍ତ
